vul - 8

vul@2Corinthians:8:1 @ notam autem facimus vobis fratres gratiam Dei quae data est in ecclesiis Macedoniae

vul@2Corinthians:8:2 @ quod in multo experimento tribulationis abundantia gaudii ipsorum et altissima paupertas eorum abundavit in divitias simplicitatis eorum

vul@2Corinthians:8:3 @ quia secundum virtutem testimonium illis reddo et supra virtutem voluntarii fuerunt

vul@2Corinthians:8:4 @ cum multa exhortatione obsecrantes nos gratiam et communicationem ministerii quod fit in sanctos

vul@2Corinthians:8:5 @ et non sicut speravimus sed semet ipsos dederunt primum Domino deinde nobis per voluntatem Dei

vul@2Corinthians:8:6 @ ita ut rogaremus Titum ut quemadmodum coepit ita et perficiat in vos etiam gratiam istam

vul@2Corinthians:8:7 @ sed sicut in omnibus abundatis fide et sermone et scientia et omni sollicitudine et caritate vestra in nos ut et in hac gratia abundetis

vul@2Corinthians:8:8 @ non quasi imperans dico sed per aliorum sollicitudinem etiam vestrae caritatis ingenitum bonum conprobans

vul@2Corinthians:8:9 @ scitis enim gratiam Domini nostri Iesu Christi quoniam propter vos egenus factus est cum esset dives ut illius inopia vos divites essetis

vul@2Corinthians:8:10 @ et consilium in hoc do hoc enim vobis utile est qui non solum facere sed et velle coepistis ab anno priore

vul@2Corinthians:8:11 @ nunc vero et facto perficite ut quemadmodum promptus est animus voluntatis ita sit et perficiendi ex eo quod habetis

vul@2Corinthians:8:12 @ si enim voluntas prompta est secundum id quod habet accepta est non secundum quod non habet

vul@2Corinthians:8:13 @ non enim ut aliis sit remissio vobis autem tribulatio sed ex aequalitate

vul@2Corinthians:8:14 @ in praesenti tempore vestra abundantia illorum inopiam suppleat ut et illorum abundantia vestrae inopiae sit supplementum ut fiat aequalitas sicut scriptum est

vul@2Corinthians:8:15 @ qui multum non abundavit et qui modicum non minoravit

vul@2Corinthians:8:16 @ gratias autem Deo qui dedit eandem sollicitudinem pro vobis in corde Titi

vul@2Corinthians:8:17 @ quoniam exhortationem quidem suscepit sed cum sollicitior esset sua voluntate profectus est ad vos

vul@2Corinthians:8:18 @ misimus etiam cum illo fratrem cuius laus est in evangelio per omnes ecclesias

vul@2Corinthians:8:19 @ non solum autem sed et ordinatus ab ecclesiis comes peregrinationis nostrae in hac gratia quae ministratur a nobis ad Domini gloriam et destinatam voluntatem nostram

vul@2Corinthians:8:20 @ devitantes hoc ne quis nos vituperet in hac plenitudine quae ministratur a nobis

vul@2Corinthians:8:21 @ providemus enim bona non solum coram Deo sed etiam coram hominibus

vul@2Corinthians:8:22 @ misimus autem cum illis et fratrem nostrum quem probavimus in multis saepe sollicitum esse nunc autem multo sollicitiorem confidentia multa in vos

vul@2Corinthians:8:23 @ sive pro Tito qui est socius meus et in vos adiutor sive fratres nostri apostoli ecclesiarum gloriae Christi

vul@2Corinthians:8:24 @ ostensionem ergo quae est caritatis vestrae et nostrae gloriae pro vobis in illos ostendite in faciem ecclesiarum

2Corinthians 8