vul - 9

vul@2Corinthians:9:1 @ nam de ministerio quod fit in sanctos ex abundanti est mihi scribere vobis

vul@2Corinthians:9:2 @ scio enim promptum animum vestrum pro quo de vobis glorior apud Macedonas quoniam Achaia parata est ab anno praeterito et vestra aemulatio provocavit plurimos

vul@2Corinthians:9:3 @ misi autem fratres ut ne quod gloriamur de vobis evacuetur in hac parte ut quemadmodum dixi parati sitis

vul@2Corinthians:9:4 @ ne cum venerint mecum Macedones et invenerint vos inparatos erubescamus nos ut non dicamus vos in hac substantia

vul@2Corinthians:9:5 @ necessarium ergo existimavi rogare fratres ut praeveniant ad vos et praeparent repromissam benedictionem hanc paratam esse sic quasi benedictionem non quasi avaritiam

vul@2Corinthians:9:6 @ hoc autem qui parce seminat parce et metet et qui seminat in benedictionibus de benedictionibus et metet

vul@2Corinthians:9:7 @ unusquisque prout destinavit corde suo non ex tristitia aut ex necessitate hilarem enim datorem diligit Deus

vul@2Corinthians:9:8 @ potens est autem Deus omnem gratiam abundare facere in vobis ut in omnibus semper omnem sufficientiam habentes abundetis in omne opus bonum

vul@2Corinthians:9:9 @ sicut scriptum est dispersit dedit pauperibus iustitia eius manet in aeternum

vul@2Corinthians:9:10 @ qui autem administrat semen seminanti et panem ad manducandum praestabit et multiplicabit semen vestrum et augebit incrementa frugum iustitiae vestrae

vul@2Corinthians:9:11 @ ut in omnibus locupletati abundetis in omnem simplicitatem quae operatur per nos gratiarum actionem Deo

vul@2Corinthians:9:12 @ quoniam ministerium huius officii non solum supplet ea quae desunt sanctis sed etiam abundat per multas gratiarum actiones in Domino

vul@2Corinthians:9:13 @ per probationem ministerii huius glorificantes Deum in oboedientia confessionis vestrae in evangelium Christi et simplicitate communicationis in illos et in omnes

vul@2Corinthians:9:14 @ et ipsorum obsecratione pro vobis desiderantium vos propter eminentem gratiam Dei in vobis

vul@2Corinthians:9:15 @ gratias Deo super inenarrabili dono eius

2Corinthians 9