2Peter 1
vul@2Peter:1:1 @ Simon Petrus servus et apostolus Iesu Christi his qui coaequalem nobis sortiti sunt fidem in iustitia Dei nostri et salvatoris Iesu Christi
vul@2Peter:1:2 @ gratia vobis et pax adimpleatur in cognitione Domini nostri
vul@2Peter:1:3 @ quomodo omnia nobis divinae virtutis suae quae ad vitam et pietatem donata est per cognitionem eius qui vocavit nos propria gloria et virtute
vul@2Peter:1:4 @ per quae maxima et pretiosa nobis promissa donavit ut per haec efficiamini divinae consortes naturae fugientes eius quae in mundo est concupiscentiae corruptionem
vul@2Peter:1:5 @ vos autem curam omnem subinferentes ministrate in fide vestra virtutem in virtute autem scientiam
vul@2Peter:1:6 @ in scientia autem abstinentiam in abstinentia autem patientiam in patientia autem pietatem
vul@2Peter:1:7 @ in pietate autem amorem fraternitatis in amore autem fraternitatis caritatem
vul@2Peter:1:8 @ haec enim vobis cum adsint et superent non vacuos nec sine fructu vos constituent in Domini nostri Iesu Christi cognitione
vul@2Peter:1:9 @ cui enim non praesto sunt haec caecus est et manu temptans oblivionem accipiens purgationis veterum suorum delictorum
vul@2Peter:1:10 @ quapropter fratres magis satagite ut per bona opera certam vestram vocationem et electionem faciatis haec enim facientes non peccabitis aliquando
vul@2Peter:1:11 @ sic enim abundanter ministrabitur vobis introitus in aeternum regnum Domini nostri et salvatoris Iesu Christi
vul@2Peter:1:12 @ propter quod incipiam vos semper commonere de his et quidem scientes et confirmatos in praesenti veritate
vul@2Peter:1:13 @ iustum autem arbitror quamdiu sum in hoc tabernaculo suscitare vos in commonitione
vul@2Peter:1:14 @ certus quod velox est depositio tabernaculi mei secundum quod et Dominus noster Iesus Christus significavit mihi
vul@2Peter:1:15 @ dabo autem operam et frequenter habere vos post obitum meum ut horum memoriam faciatis
vul@2Peter:1:16 @ non enim doctas fabulas secuti notam fecimus vobis Domini nostri Iesu Christi virtutem et praesentiam sed speculatores facti illius magnitudinis
vul@2Peter:1:17 @ accipiens enim a Deo Patre honorem et gloriam voce delapsa ad eum huiuscemodi a magnifica gloria hic est Filius meus dilectus in quo mihi conplacui
vul@2Peter:1:18 @ et hanc vocem nos audivimus de caelo adlatam cum essemus cum ipso in monte sancto
vul@2Peter:1:19 @ et habemus firmiorem propheticum sermonem cui bene facitis adtendentes quasi lucernae lucenti in caliginoso loco donec dies inlucescat et lucifer oriatur in cordibus vestris
vul@2Peter:1:20 @ hoc primum intellegentes quod omnis prophetia scripturae propria interpretatione non fit
vul@2Peter:1:21 @ non enim voluntate humana adlata est aliquando prophetia sed Spiritu Sancto inspirati locuti sunt sancti Dei homines