2Samuel 22
vul@2Samuel:22:1 @ locutus est autem David Domino verba carminis huius in die qua liberavit eum Dominus de manu omnium inimicorum suorum et de manu Saul
vul@2Samuel:22:2 @ et ait Dominus petra mea et robur meum et salvator meus
vul@2Samuel:22:3 @ Deus meus fortis meus sperabo in eum scutum meum et cornu salutis meae elevator meus et refugium meum salvator meus de iniquitate liberabis me
vul@2Samuel:22:4 @ laudabilem invocabo Dominum et ab inimicis meis salvus ero
vul@2Samuel:22:5 @ quia circumdederunt me contritiones mortis torrentes Belial terruerunt me
vul@2Samuel:22:6 @ funes inferi circumdederunt me praevenerunt me laquei mortis
vul@2Samuel:22:7 @ in tribulatione mea invocabo Dominum et ad Deum meum clamabo et exaudiet de templo suo vocem meam et clamor meus veniet ad aures eius
vul@2Samuel:22:8 @ commota est et contremuit terra fundamenta montium concussa sunt et conquassata quoniam iratus est
vul@2Samuel:22:9 @ ascendit fumus de naribus eius et ignis de ore eius voravit carbones incensi sunt ab eo
vul@2Samuel:22:10 @ et inclinavit caelos et descendit et caligo sub pedibus eius
vul@2Samuel:22:11 @ et ascendit super cherubin et volavit et lapsus est super pinnas venti
vul@2Samuel:22:12 @ posuit tenebras in circuitu suo latibulum cribrans aquas de nubibus caelorum
vul@2Samuel:22:13 @ prae fulgore in conspectu eius succensi sunt carbones ignis
vul@2Samuel:22:14 @ tonabit de caelis Dominus et Excelsus dabit vocem suam
vul@2Samuel:22:15 @ misit sagittas et dissipavit eos fulgur et consumpsit eos
vul@2Samuel:22:16 @ et apparuerunt effusiones maris et revelata sunt fundamenta orbis ab increpatione Domini ab inspiratione spiritus furoris eius
vul@2Samuel:22:17 @ misit de excelso et adsumpsit me extraxit me de aquis multis
vul@2Samuel:22:18 @ liberavit me ab inimico meo potentissimo ab his qui oderant me quoniam robustiores me erant
vul@2Samuel:22:19 @ praevenit me in die adflictionis meae et factus est Dominus firmamentum meum
vul@2Samuel:22:20 @ et eduxit me in latitudinem liberavit me quia placuit ei
vul@2Samuel:22:21 @ retribuet mihi Dominus secundum iustitiam meam et secundum munditiam manuum mearum reddet mihi
vul@2Samuel:22:22 @ quia custodivi vias Domini et non egi impie a Deo meo
vul@2Samuel:22:23 @ omnia enim iudicia eius in conspectu meo et praecepta eius non amovi a me
vul@2Samuel:22:24 @ et ero perfectus cum eo et custodiam me ab iniquitate mea
vul@2Samuel:22:25 @ et restituet Dominus mihi secundum iustitiam meam et secundum munditiam manuum mearum in conspectu oculorum suorum
vul@2Samuel:22:26 @ cum sancto sanctus eris et cum robusto perfectus
vul@2Samuel:22:27 @ cum electo electus eris et cum perverso perverteris
vul@2Samuel:22:28 @ et populum pauperem salvum facies oculisque tuis excelsos humiliabis
vul@2Samuel:22:29 @ quia tu lucerna mea Domine et Domine inluminabis tenebras meas
vul@2Samuel:22:30 @ in te enim curram accinctus in Deo meo transiliam murum
vul@2Samuel:22:31 @ Deus inmaculata via eius eloquium Domini igne examinatum scutum est omnium sperantium in se
vul@2Samuel:22:32 @ quis est deus praeter Dominum et quis fortis praeter Deum nostrum
vul@2Samuel:22:33 @ Deus qui accingit me fortitudine et conplanavit perfectam viam meam
vul@2Samuel:22:34 @ coaequans pedes meos cervis et super excelsa mea statuens me
vul@2Samuel:22:35 @ docens manus meas ad proelium et conponens quasi arcum aereum brachia mea
vul@2Samuel:22:36 @ dedisti mihi clypeum salutis tuae et mansuetudo mea multiplicavit me
vul@2Samuel:22:37 @ dilatabis gressus meos subtus me et non deficient tali mei
vul@2Samuel:22:38 @ persequar inimicos meos et conteram et non revertar donec consumam eos
vul@2Samuel:22:39 @ consumam eos et confringam ut non consurgant cadent sub pedibus meis
vul@2Samuel:22:40 @ accinxisti me fortitudine ad proelium incurvabis resistentes mihi sub me
vul@2Samuel:22:41 @ inimicos meos dedisti mihi dorsum odientes me et disperdam eos
vul@2Samuel:22:42 @ clamabunt et non erit qui salvet ad Dominum et non exaudiet eos
vul@2Samuel:22:43 @ delebo eos ut pulverem terrae quasi lutum platearum comminuam eos atque conpingam
vul@2Samuel:22:44 @ salvabis me a contradictionibus populi mei custodies in caput gentium populus quem ignoro serviet mihi
vul@2Samuel:22:45 @ filii alieni resistent mihi auditu auris oboedient mihi
vul@2Samuel:22:46 @ filii alieni defluxerunt et contrahentur in angustiis suis
vul@2Samuel:22:47 @ vivit Dominus et benedictus Deus meus et exaltabitur Deus fortis salutis meae
vul@2Samuel:22:48 @ Deus qui das vindictas mihi et deicis populos sub me
vul@2Samuel:22:49 @ qui educis me ab inimicis meis et a resistentibus mihi elevas me a viro iniquo liberabis me
vul@2Samuel:22:50 @ propterea confitebor tibi Domine in gentibus et nomini tuo cantabo
vul@2Samuel:22:51 @ magnificanti salutes regis sui et facienti misericordiam christo suo David et semini eius in sempiternum