2Samuel 23
vul@2Samuel:23:1 @ haec autem sunt verba novissima quae dixit David filius Isai dixit vir cui constitutum est de christo Dei Iacob egregius psalta Israhel
vul@2Samuel:23:2 @ spiritus Domini locutus est per me et sermo eius per linguam meam
vul@2Samuel:23:3 @ dixit Deus Israhel mihi locutus est Fortis Israhel dominator hominum iustus dominator in timore Dei
vul@2Samuel:23:4 @ sicut lux aurorae oriente sole mane absque nubibus rutilat et sicut pluviis germinat herba de terra
vul@2Samuel:23:5 @ nec tanta est domus mea apud Deum ut pactum aeternum iniret mecum firmum in omnibus atque munitum cuncta enim salus mea et omnis voluntas nec est quicquam ex ea quod non germinet
vul@2Samuel:23:6 @ praevaricatores autem quasi spinae evellentur universi quae non tolluntur manibus
vul@2Samuel:23:7 @ et si quis tangere voluerit eas armabitur ferro et ligno lanceato igneque succensae conburentur usque ad nihilum
vul@2Samuel:23:8 @ haec nomina fortium David Sedens in cathedra sapientissimus princeps inter tres ipse est quasi tenerrimus ligni vermiculus qui octingentos interfecit impetu uno
vul@2Samuel:23:9 @ post hunc Eleazar filius patrui eius Ahoi inter tres fortes qui erant cum David quando exprobraverunt Philisthim et congregati sunt illuc in proelium
vul@2Samuel:23:10 @ cumque ascendissent viri Israhel ipse stetit et percussit Philistheos donec deficeret manus eius et obrigesceret cum gladio fecitque Dominus salutem magnam in die illa et populus qui fugerat reversus est ad caesorum spolia detrahenda
vul@2Samuel:23:11 @ et post hunc Semma filius Age de Arari et congregati sunt Philisthim in statione erat quippe ibi ager plenus lente cumque fugisset populus a facie Philisthim
vul@2Samuel:23:12 @ stetit ille in medio agri et tuitus est eum percussitque Philistheos et fecit Dominus salutem magnam
vul@2Samuel:23:13 @ necnon ante descenderant tres qui erant principes inter triginta et venerant tempore messis ad David in speluncam Odollam castra autem Philisthim erant posita in valle Gigantum
vul@2Samuel:23:14 @ et David erat in praesidio porro statio Philisthinorum tunc erat in Bethleem
vul@2Samuel:23:15 @ desideravit igitur David et ait si quis mihi daret potum aquae de cisterna quae est in Bethleem iuxta portam
vul@2Samuel:23:16 @ inruperunt ergo tres fortes castra Philisthinorum et hauserunt aquam de cisterna Bethleem quae erat iuxta portam et adtulerunt ad David at ille noluit bibere sed libavit illam Domino
vul@2Samuel:23:17 @ dicens propitius mihi sit Dominus ne faciam hoc num sanguinem hominum istorum qui profecti sunt et animarum periculum bibam noluit ergo bibere haec fecerunt tres robustissimi
vul@2Samuel:23:18 @ Abisai quoque frater Ioab filius Sarviae princeps erat de tribus ipse est qui elevavit hastam suam contra trecentos quos interfecit nominatus in tribus
vul@2Samuel:23:19 @ et inter tres nobilior eratque eorum princeps sed usque ad tres primos non pervenerat
vul@2Samuel:23:20 @ et Banaias filius Ioiada viri fortissimi magnorum operum de Capsehel ipse percussit duos leones Moab et ipse descendit et percussit leonem in media cisterna diebus nivis
vul@2Samuel:23:21 @ ipse quoque interfecit virum aegyptium virum dignum spectaculo habentem in manu hastam itaque cum descendisset ad eum in virga vi extorsit hastam de manu Aegyptii et interfecit eum hasta sua
vul@2Samuel:23:22 @ haec fecit Banaias filius Ioiadae
vul@2Samuel:23:23 @ et ipse nominatus inter tres robustos qui erant inter triginta nobiliores verumtamen usque ad tres non pervenerat fecitque eum David sibi auricularium a secreto
vul@2Samuel:23:24 @ Asahel frater Ioab inter triginta Eleanan filius patrui eius de Bethleem
vul@2Samuel:23:25 @ Semma de Arari Helica de Arodi
vul@2Samuel:23:26 @ Helas de Felthi Hira filius Aces de Thecua
vul@2Samuel:23:27 @ Abiezer de Anathoth Mobonnai de Usathi
vul@2Samuel:23:28 @ Selmon Aohites Maharai Netophathites
vul@2Samuel:23:29 @ Heled filius Banaa et ipse Netophathites Hithai filius Ribai de Gebeeth filiorum Beniamin
vul@2Samuel:23:30 @ Banahi Aufrathonites Heddai de torrente Gaas
vul@2Samuel:23:31 @ Abialbon Arbathites Azmaveth de Beromi
vul@2Samuel:23:32 @ Eliaba de Salboni filii Iasen Ionathan
vul@2Samuel:23:33 @ Semma de Horodi Haiam filius Sarar Arorites
vul@2Samuel:23:34 @ Elifeleth filius Aasbai filii Maachathi Heliam filius Ahitofel Gelonites
vul@2Samuel:23:35 @ Esrai de Carmelo Farai de Arbi
vul@2Samuel:23:36 @ Igaal filius Nathan de Soba Bonni de Gaddi
vul@2Samuel:23:37 @ Selech de Ammoni Naharai Berothites armiger Ioab filii Sarviae
vul@2Samuel:23:38 @ Hira Hiethrites Gareb et ipse Hiethrites
vul@2Samuel:23:39 @ Urias Hettheus omnes triginta septem