2Thessalonians 2
vul@2Thessalonians:2:1 @ rogamus autem vos fratres per adventum Domini nostri Iesu Christi et nostrae congregationis in ipsum
vul@2Thessalonians:2:2 @ ut non cito moveamini a sensu neque terreamini neque per spiritum neque per sermonem neque per epistulam tamquam per nos quasi instet dies Domini
vul@2Thessalonians:2:3 @ ne quis vos seducat ullo modo quoniam nisi venerit discessio primum et revelatus fuerit homo peccati filius perditionis
vul@2Thessalonians:2:4 @ qui adversatur et extollitur supra omne quod dicitur Deus aut quod colitur ita ut in templo Dei sedeat ostendens se quia sit Deus
vul@2Thessalonians:2:5 @ non retinetis quod cum adhuc essem apud vos haec dicebam vobis
vul@2Thessalonians:2:6 @ et nunc quid detineat scitis ut reveletur in suo tempore
vul@2Thessalonians:2:7 @ nam mysterium iam operatur iniquitatis tantum ut qui tenet nunc donec de medio fiat
vul@2Thessalonians:2:8 @ et tunc revelabitur ille iniquus quem Dominus Iesus interficiet spiritu oris sui et destruet inlustratione adventus sui
vul@2Thessalonians:2:9 @ eum cuius est adventus secundum operationem Satanae in omni virtute et signis et prodigiis mendacibus
vul@2Thessalonians:2:10 @ et in omni seductione iniquitatis his qui pereunt eo quod caritatem veritatis non receperunt ut salvi fierent
vul@2Thessalonians:2:11 @ ideo mittit illis Deus operationem erroris ut credant mendacio
vul@2Thessalonians:2:12 @ ut iudicentur omnes qui non crediderunt veritati sed consenserunt iniquitati
vul@2Thessalonians:2:13 @ nos autem debemus gratias agere Deo semper pro vobis fratres dilecti a Deo quod elegerit nos Deus primitias in salutem in sanctificatione Spiritus et fide veritatis
vul@2Thessalonians:2:14 @ ad quod et vocavit vos per evangelium nostrum in adquisitionem gloriae Domini nostri Iesu Christi
vul@2Thessalonians:2:15 @ itaque fratres state et tenete traditiones quas didicistis sive per sermonem sive per epistulam nostram
vul@2Thessalonians:2:16 @ ipse autem Dominus noster Iesus Christus et Deus et Pater noster qui dilexit nos et dedit consolationem aeternam et spem bonam in gratia
vul@2Thessalonians:2:17 @ exhortetur corda vestra et confirmet in omni opere et sermone bono