vul - 4

vul@2Timothy:4:1 @ testificor coram Deo et Christo Iesu qui iudicaturus est vivos ac mortuos et adventum ipsius et regnum eius

vul@2Timothy:4:2 @ praedica verbum insta oportune inportune argue obsecra increpa in omni patientia et doctrina

vul@2Timothy:4:3 @ erit enim tempus cum sanam doctrinam non sustinebunt sed ad sua desideria coacervabunt sibi magistros prurientes auribus

vul@2Timothy:4:4 @ et a veritate quidem auditum avertent ad fabulas autem convertentur

vul@2Timothy:4:5 @ tu vero vigila in omnibus labora opus fac evangelistae ministerium tuum imple

vul@2Timothy:4:6 @ ego enim iam delibor et tempus meae resolutionis instat

vul@2Timothy:4:7 @ bonum certamen certavi cursum consummavi fidem servavi

vul@2Timothy:4:8 @ in reliquo reposita est mihi iustitiae corona quam reddet mihi Dominus in illa die iustus iudex non solum autem mihi sed et his qui diligunt adventum eius

vul@2Timothy:4:9 @ festina venire ad me cito

vul@2Timothy:4:10 @ Demas enim me dereliquit diligens hoc saeculum et abiit Thessalonicam Crescens in Galliam Titus in Dalmatiam

vul@2Timothy:4:11 @ Lucas est mecum solus Marcum adsume et adduc tecum est enim mihi utilis in ministerium

vul@2Timothy:4:12 @ Tychicum autem misi Ephesum

vul@2Timothy:4:13 @ paenulam quam reliqui Troade apud Carpum veniens adfers et libros maxime autem membranas

vul@2Timothy:4:14 @ Alexander aerarius multa mala mihi ostendit reddat ei Dominus secundum opera eius

vul@2Timothy:4:15 @ quem et tu devita valde enim restitit verbis nostris

vul@2Timothy:4:16 @ in prima mea defensione nemo mihi adfuit sed omnes me dereliquerunt non illis reputetur

vul@2Timothy:4:17 @ Dominus autem mihi adstitit et confortavit me ut per me praedicatio impleatur et audiant omnes gentes et liberatus sum de ore leonis

vul@2Timothy:4:18 @ liberabit me Dominus ab omni opere malo et salvum faciet in regnum suum caeleste cui gloria in saecula saeculorum amen

vul@2Timothy:4:19 @ saluta Priscam et Aquilam et Onesifori domum

vul@2Timothy:4:20 @ Erastus remansit Corinthi Trophimum autem reliqui infirmum Mileti

vul@2Timothy:4:21 @ festina ante hiemem venire salutat te Eubulus et Pudens et Linus et Claudia et fratres omnes

2Timothy 4