vul - 17

vul@Acts:17:1 @ cum autem perambulassent Amphipolim et Apolloniam venerunt Thessalonicam ubi erat synagoga Iudaeorum

vul@Acts:17:2 @ secundum consuetudinem autem Paulus introivit ad eos et per sabbata tria disserebat eis de scripturis

vul@Acts:17:3 @ adaperiens et insinuans quia Christum oportuit pati et resurgere a mortuis et quia hic est Christus Iesus quem ego adnuntio vobis

vul@Acts:17:4 @ et quidam ex eis crediderunt et adiuncti sunt Paulo et Silae et de colentibus gentilibusque multitudo magna et mulieres nobiles non paucae

vul@Acts:17:5 @ zelantes autem Iudaei adsumentesque de vulgo viros quosdam malos et turba facta concitaverunt civitatem et adsistentes domui Iasonis quaerebant eos producere in populum

vul@Acts:17:6 @ et cum non invenissent eos trahebant Iasonem et quosdam fratres ad principes civitatis clamantes quoniam hii qui orbem concitant et huc venerunt

vul@Acts:17:7 @ quos suscepit Iason et hii omnes contra decreta Caesaris faciunt regem alium dicentes esse Iesum

vul@Acts:17:8 @ concitaverunt autem plebem et principes civitatis audientes haec

vul@Acts:17:9 @ et accepto satis ab Iasone et a ceteris dimiserunt eos

vul@Acts:17:10 @ fratres vero confestim per noctem dimiserunt Paulum et Silam in Beroeam qui cum advenissent in synagogam Iudaeorum introierunt

vul@Acts:17:11 @ hii autem erant nobiliores eorum qui sunt Thessalonicae qui susceperunt verbum cum omni aviditate cotidie scrutantes scripturas si haec ita se haberent

vul@Acts:17:12 @ et multi quidem crediderunt ex eis et gentilium mulierum honestarum et viri non pauci

vul@Acts:17:13 @ cum autem cognovissent in Thessalonica Iudaei quia et Beroeae praedicatum est a Paulo verbum Dei venerunt et illuc commoventes et turbantes multitudinem

vul@Acts:17:14 @ statimque tunc Paulum dimiserunt fratres ut iret usque ad mare Silas autem et Timotheus remanserunt ibi

vul@Acts:17:15 @ qui autem deducebant Paulum perduxerunt usque Athenas et accepto mandato ab eo ad Silam et Timotheum ut quam celeriter venirent ad illum profecti sunt

vul@Acts:17:16 @ Paulus autem cum Athenis eos expectaret incitabatur spiritus eius in ipso videns idolatriae deditam civitatem

vul@Acts:17:17 @ disputabat igitur in synagoga cum Iudaeis et colentibus et in foro per omnes dies ad eos qui aderant

vul@Acts:17:18 @ quidam autem epicurei et stoici philosophi disserebant cum eo et quidam dicebant quid vult seminiverbius hic dicere alii vero novorum daemoniorum videtur adnuntiator esse quia Iesum et resurrectionem adnuntiabat eis

vul@Acts:17:19 @ et adprehensum eum ad Ariopagum duxerunt dicentes possumus scire quae est haec nova quae a te dicitur doctrina

vul@Acts:17:20 @ nova enim quaedam infers auribus nostris volumus ergo scire quidnam velint haec esse

vul@Acts:17:21 @ Athenienses autem omnes et advenae hospites ad nihil aliud vacabant nisi aut dicere aut audire aliquid novi

vul@Acts:17:22 @ stans autem Paulus in medio Ariopagi ait viri athenienses per omnia quasi superstitiosiores vos video

vul@Acts:17:23 @ praeteriens enim et videns simulacra vestra inveni et aram in qua scriptum erat ignoto deo quod ergo ignorantes colitis hoc ego adnuntio vobis

vul@Acts:17:24 @ Deus qui fecit mundum et omnia quae in eo sunt hic caeli et terrae cum sit Dominus non in manufactis templis inhabitat

vul@Acts:17:25 @ nec manibus humanis colitur indigens aliquo cum ipse det omnibus vitam et inspirationem et omnia

vul@Acts:17:26 @ fecitque ex uno omne genus hominum inhabitare super universam faciem terrae definiens statuta tempora et terminos habitationis eorum

vul@Acts:17:27 @ quaerere Deum si forte adtractent eum aut inveniant quamvis non longe sit ab unoquoque nostrum

vul@Acts:17:28 @ in ipso enim vivimus et movemur et sumus sicut et quidam vestrum poetarum dixerunt ipsius enim et genus sumus

vul@Acts:17:29 @ genus ergo cum simus Dei non debemus aestimare auro aut argento aut lapidi sculpturae artis et cogitationis hominis divinum esse simile

vul@Acts:17:30 @ et tempora quidem huius ignorantiae despiciens Deus nunc adnuntiat hominibus ut omnes ubique paenitentiam agant

vul@Acts:17:31 @ eo quod statuit diem in qua iudicaturus est orbem in aequitate in viro in quo statuit fidem praebens omnibus suscitans eum a mortuis

vul@Acts:17:32 @ cum audissent autem resurrectionem mortuorum quidam quidem inridebant quidam vero dixerunt audiemus te de hoc iterum

vul@Acts:17:33 @ sic Paulus exivit de medio eorum

vul@Acts:17:34 @ quidam vero viri adherentes ei crediderunt in quibus et Dionisius Ariopagita et mulier nomine Damaris et alii cum eis

Acts 17