vul - 18

vul@Acts:18:1 @ post haec egressus ab Athenis venit Corinthum

vul@Acts:18:2 @ et inveniens quendam Iudaeum nomine Aquilam Ponticum genere qui nuper venerat ab Italia et Priscillam uxorem eius eo quod praecepisset Claudius discedere omnes Iudaeos a Roma accessit ad eos

vul@Acts:18:3 @ et quia eiusdem erat artis manebat apud eos et operabatur erat autem scenofactoriae artis

vul@Acts:18:4 @ [

vul@Acts:18:5 @ cum venissent autem de Macedonia Silas et Timotheus instabat verbo Paulus testificans Iudaeis esse Christum Iesum

vul@Acts:18:6 @ contradicentibus autem eis et blasphemantibus excutiens vestimenta dixit ad eos sanguis vester super caput vestrum mundus ego ex hoc ad gentes vadam

vul@Acts:18:7 @ et migrans inde intravit in domum cuiusdam nomine Titi Iusti colentis Deum cuius domus erat coniuncta synagogae

vul@Acts:18:8 @ Crispus autem archisynagogus credidit Domino cum omni domo sua et multi Corinthiorum audientes credebant et baptizabantur

vul@Acts:18:9 @ dixit autem Dominus nocte per visionem Paulo noli timere sed loquere et ne taceas

vul@Acts:18:10 @ propter quod ego sum tecum et nemo adponetur tibi ut noceat te quoniam populus est mihi multus in hac civitate

vul@Acts:18:11 @ sedit autem annum et sex menses docens apud eos verbum Dei

vul@Acts:18:12 @ Gallione autem proconsule Achaiae insurrexerunt uno animo Iudaei in Paulum et adduxerunt eum ad tribunal

vul@Acts:18:13 @ dicentes quia contra legem hic persuadet hominibus colere Deum

vul@Acts:18:14 @ incipiente autem Paulo aperire os dixit Gallio ad Iudaeos si quidem esset iniquum aliquid aut facinus pessimum o viri iudaei recte vos sustinerem

vul@Acts:18:15 @ si vero quaestiones sunt de verbo et nominibus et legis vestrae vos ipsi videritis iudex ego horum nolo esse

vul@Acts:18:16 @ et minavit eos a tribunali

vul@Acts:18:17 @ adprehendentes autem omnes Sosthenen principem synagogae percutiebant ante tribunal et nihil eorum Gallioni curae erat

vul@Acts:18:18 @ Paulus vero cum adhuc sustinuisset dies multos fratribus valefaciens navigavit Syriam et cum eo Priscilla et Aquila qui sibi totonderat in Cencris caput habebat enim votum

vul@Acts:18:19 @ devenitque Ephesum et illos ibi reliquit ipse vero ingressus synagogam disputavit cum Iudaeis

vul@Acts:18:20 @ rogantibus autem eis ut ampliori tempore maneret non consensit

vul@Acts:18:21 @ sed valefaciens et dicens iterum revertar ad vos Deo volente profectus est ab Epheso

vul@Acts:18:22 @ et descendens Caesaream ascendit et salutavit ecclesiam et descendit Antiochiam

vul@Acts:18:23 @ et facto ibi aliquanto tempore profectus est perambulans ex ordine galaticam regionem et Frygiam confirmans omnes discipulos

vul@Acts:18:24 @ Iudaeus autem quidam Apollo nomine Alexandrinus natione vir eloquens devenit Ephesum potens in scripturis

vul@Acts:18:25 @ hic erat edoctus viam Domini et fervens spiritu loquebatur et docebat diligenter ea quae sunt Iesu sciens tantum baptisma Iohannis

vul@Acts:18:26 @ hic ergo coepit fiducialiter agere in synagoga quem cum audissent Priscilla et Aquila adsumpserunt eum et diligentius exposuerunt ei viam Dei

vul@Acts:18:27 @ cum autem vellet ire Achaiam exhortati fratres scripserunt discipulis ut susciperent eum qui cum venisset contulit multum his qui crediderant

vul@Acts:18:28 @ vehementer enim Iudaeos revincebat publice ostendens per scripturas esse Christum Iesum

Acts 18