vul - 20

vul@Acts:20:1 @ postquam autem cessavit tumultus vocatis Paulus discipulis et exhortatus eos valedixit et profectus est ut iret in Macedoniam

vul@Acts:20:2 @ cum autem perambulasset partes illas et exhortatus eos fuisset multo sermone venit ad Graeciam

vul@Acts:20:3 @ ubi cum fecisset menses tres factae sunt illi insidiae a Iudaeis navigaturo in Syriam habuitque consilium ut reverteretur per Macedoniam

vul@Acts:20:4 @ comitatus est autem eum Sopater Pyrri Beroensis Thessalonicensium vero Aristarchus et Secundus et Gaius Derbeus et Timotheus Asiani vero Tychicus et Trophimus

vul@Acts:20:5 @ hii cum praecessissent sustinebant nos Troade

vul@Acts:20:6 @ nos vero navigavimus post dies azymorum a Philippis et venimus ad eos Troadem in diebus quinque ubi demorati sumus diebus septem

vul@Acts:20:7 @ in una autem sabbati cum convenissemus ad frangendum panem Paulus disputabat eis profecturus in crastinum protraxitque sermonem usque in mediam noctem

vul@Acts:20:8 @ erant autem lampades copiosae in cenaculo ubi eramus congregati

vul@Acts:20:9 @ sedens autem quidam adulescens nomine Eutychus super fenestram cum mergeretur somno gravi disputante diu Paulo eductus somno cecidit de tertio cenaculo deorsum et sublatus est mortuus

vul@Acts:20:10 @ ad quem cum descendisset Paulus incubuit super eum et conplexus dixit nolite turbari anima enim ipsius in eo est

vul@Acts:20:11 @ ascendens autem frangensque panem et gustans satisque adlocutus usque in lucem sic profectus est

vul@Acts:20:12 @ adduxerunt autem puerum viventem et consolati sunt non minime

vul@Acts:20:13 @ nos autem ascendentes navem enavigavimus in Asson inde suscepturi Paulum sic enim disposuerat ipse per terram iter facturus

vul@Acts:20:14 @ cum autem convenisset nos in Asson adsumpto eo venimus Mytilenen

vul@Acts:20:15 @ et inde navigantes sequenti die venimus contra Chium et alia adplicuimus Samum et sequenti venimus Miletum

vul@Acts:20:16 @ proposuerat enim Paulus transnavigare Ephesum ne qua mora illi fieret in Asia festinabat enim si possibile sibi esset ut diem pentecosten faceret Hierosolymis

vul@Acts:20:17 @ a Mileto autem mittens Ephesum vocavit maiores natu ecclesiae

vul@Acts:20:18 @ qui cum venissent ad eum et simul essent dixit eis vos scitis a prima die qua ingressus sum in Asiam qualiter vobiscum per omne tempus fuerim

vul@Acts:20:19 @ serviens Domino cum omni humilitate et lacrimis et temptationibus quae mihi acciderunt ex insidiis Iudaeorum

vul@Acts:20:20 @ quomodo nihil subtraxerim utilium quo minus adnuntiarem vobis et docerem vos publice et per domos

vul@Acts:20:21 @ testificans Iudaeis atque gentilibus in Deum paenitentiam et fidem in Dominum nostrum Iesum Christum

vul@Acts:20:22 @ et nunc ecce alligatus ego Spiritu vado in Hierusalem quae in ea eventura sint mihi ignorans

vul@Acts:20:23 @ nisi quod Spiritus Sanctus per omnes civitates protestatur mihi dicens quoniam vincula et tribulationes me manent

vul@Acts:20:24 @ sed nihil horum vereor nec facio animam pretiosiorem quam me dummodo consummem cursum meum et ministerium quod accepi a Domino Iesu testificari evangelium gratiae Dei

vul@Acts:20:25 @ et nunc ecce ego scio quia amplius non videbitis faciem meam vos omnes per quos transivi praedicans regnum Dei

vul@Acts:20:26 @ quapropter contestor vos hodierna die quia mundus sum a sanguine omnium

vul@Acts:20:27 @ non enim subterfugi quo minus adnuntiarem omne consilium Dei vobis

vul@Acts:20:28 @ adtendite vobis et universo gregi in quo vos Spiritus Sanctus posuit episcopos regere ecclesiam Dei quam adquisivit sanguine suo

vul@Acts:20:29 @ ego scio quoniam intrabunt post discessionem meam lupi graves in vos non parcentes gregi

vul@Acts:20:30 @ et ex vobis ipsis exsurgent viri loquentes perversa ut abducant discipulos post se

vul@Acts:20:31 @ propter quod vigilate memoria retinentes quoniam per triennium nocte et die non cessavi cum lacrimis monens unumquemque vestrum

vul@Acts:20:32 @ et nunc commendo vos Deo et verbo gratiae ipsius qui potens est aedificare et dare hereditatem in sanctificatis omnibus

vul@Acts:20:33 @ argentum aut aurum aut vestem nullius concupivi

vul@Acts:20:34 @ ipsi scitis quoniam ad ea quae mihi opus erant et his qui mecum sunt ministraverunt manus istae

vul@Acts:20:35 @ omnia ostendi vobis quoniam sic laborantes oportet suscipere infirmos ac meminisse verbi Domini Iesu quoniam ipse dixit beatius est magis dare quam accipere

vul@Acts:20:36 @ et cum haec dixisset positis genibus suis cum omnibus illis oravit

vul@Acts:20:37 @ magnus autem fletus factus est omnium et procumbentes super collum Pauli osculabantur eum

vul@Acts:20:38 @ dolentes maxime in verbo quo dixerat quoniam amplius faciem eius non essent visuri et deducebant eum ad navem

Acts 20