vul - 22

vul@Acts:22:1 @ viri fratres et patres audite quam ad vos nunc reddo rationem

vul@Acts:22:2 @ cum audissent autem quia hebraea lingua loquitur ad illos magis praestiterunt silentium

vul@Acts:22:3 @ et dixit ego sum vir iudaeus natus Tarso Ciliciae nutritus autem in ista civitate secus pedes Gamalihel eruditus iuxta veritatem paternae legis aemulator legis sicut et vos omnes estis hodie

vul@Acts:22:4 @ qui hanc viam persecutus sum usque ad mortem alligans et tradens in custodias viros ac mulieres

vul@Acts:22:5 @ sicut princeps sacerdotum testimonium mihi reddit et omnes maiores natu a quibus et epistulas accipiens ad fratres Damascum pergebam ut adducerem inde vinctos in Hierusalem uti punirentur

vul@Acts:22:6 @ factum est autem eunte me et adpropinquante Damasco media die subito de caelo circumfulsit me lux copiosa

vul@Acts:22:7 @ et decidens in terram audivi vocem dicentem mihi Saule Saule quid me persequeris

vul@Acts:22:8 @ ego autem respondi quis es Domine dixitque ad me ego sum Iesus Nazarenus quem tu persequeris

vul@Acts:22:9 @ et qui mecum erant lumen quidem viderunt vocem autem non audierunt eius qui loquebatur mecum

vul@Acts:22:10 @ et dixi quid faciam Domine Dominus autem dixit ad me surgens vade Damascum et ibi tibi dicetur de omnibus quae te oporteat facere

vul@Acts:22:11 @ et cum non viderem prae claritate luminis illius ad manum deductus a comitibus veni Damascum

vul@Acts:22:12 @ Ananias autem quidam vir secundum legem testimonium habens ab omnibus habitantibus Iudaeis

vul@Acts:22:13 @ veniens ad me et adstans dixit mihi Saule frater respice et ego eadem hora respexi in eum

vul@Acts:22:14 @ at ille dixit Deus patrum nostrorum praeordinavit te ut cognosceres voluntatem eius et videres Iustum et audires vocem ex ore eius

vul@Acts:22:15 @ quia eris testis illius ad omnes homines eorum quae vidisti et audisti

vul@Acts:22:16 @ et nunc quid moraris exsurge baptizare et ablue peccata tua invocato nomine ipsius

vul@Acts:22:17 @ factum est autem revertenti mihi in Hierusalem et oranti in templo fieri me in stupore mentis

vul@Acts:22:18 @ et videre illum dicentem mihi festina et exi velociter ex Hierusalem quoniam non recipient testimonium tuum de me

vul@Acts:22:19 @ et ego dixi Domine ipsi sciunt quia ego eram concludens in carcerem et caedens per synagogas eos qui credebant in te

vul@Acts:22:20 @ et cum funderetur sanguis Stephani testis tui ego adstabam et consentiebam et custodiebam vestimenta interficientium illum

vul@Acts:22:21 @ et dixit ad me vade quoniam ego in nationes longe mittam te

vul@Acts:22:22 @ audiebant autem eum usque ad hoc verbum et levaverunt vocem suam dicentes tolle de terra eiusmodi non enim fas est eum vivere

vul@Acts:22:23 @ vociferantibus autem eis et proicientibus vestimenta sua et pulverem iactantibus in aerem

vul@Acts:22:24 @ iussit tribunus induci eum in castra et flagellis caedi et torqueri eum ut sciret propter quam causam sic adclamarent ei

vul@Acts:22:25 @ et cum adstrinxissent eum loris dixit adstanti sibi centurioni Paulus si hominem romanum et indemnatum licet vobis flagellare

vul@Acts:22:26 @ quo audito centurio accessit ad tribunum et nuntiavit dicens quid acturus es hic enim homo civis romanus est

vul@Acts:22:27 @ accedens autem tribunus dixit illi dic mihi tu Romanus es at ille dixit etiam

vul@Acts:22:28 @ et respondit tribunus ego multa summa civitatem hanc consecutus sum et Paulus ait ego autem et natus sum

vul@Acts:22:29 @ protinus ergo discesserunt ab illo qui eum torturi erant tribunus quoque timuit postquam rescivit quia civis romanus esset et quia alligasset eum

vul@Acts:22:30 @ postera autem die volens scire diligentius qua ex causa accusaretur a Iudaeis solvit eum et iussit sacerdotes convenire et omne concilium et producens Paulum statuit inter illos

Acts 22