vul - 24

vul@Acts:24:1 @ post quinque autem dies descendit princeps sacerdotum Ananias cum senioribus quibusdam et Tertullo quodam oratore qui adierunt praesidem adversus Paulum

vul@Acts:24:2 @ et citato Paulo coepit accusare Tertullus dicens cum in multa pace agamus per te et multa corrigantur per tuam providentiam

vul@Acts:24:3 @ semper et ubique suscipimus optime Felix cum omni gratiarum actione

vul@Acts:24:4 @ ne diutius autem te protraham oro breviter audias nos pro tua clementia

vul@Acts:24:5 @ invenimus hunc hominem pestiferum et concitantem seditiones omnibus Iudaeis in universo orbe et auctorem seditionis sectae Nazarenorum

vul@Acts:24:6 @ qui etiam templum violare conatus est quem et adprehendimus

vul@Acts:24:7 @ [

vul@Acts:24:8 @ a quo poteris ipse iudicans de omnibus istis cognoscere de quibus nos accusamus eum

vul@Acts:24:9 @ adiecerunt autem et Iudaei dicentes haec ita se habere

vul@Acts:24:10 @ respondit autem Paulus annuente sibi praeside dicere ex multis annis esse te iudicem genti huic sciens bono animo pro me satisfaciam

vul@Acts:24:11 @ potes enim cognoscere quia non plus sunt dies mihi quam duodecim ex quo ascendi adorare in Hierusalem

vul@Acts:24:12 @ et neque in templo invenerunt me cum aliquo disputantem aut concursum facientem turbae neque in synagogis neque in civitate

vul@Acts:24:13 @ neque probare possunt tibi de quibus nunc accusant me

vul@Acts:24:14 @ confiteor autem hoc tibi quod secundum sectam quam dicunt heresim sic deservio patrio Deo meo credens omnibus quae in lege et prophetis scripta sunt

vul@Acts:24:15 @ spem habens in Deum quam et hii ipsi expectant resurrectionem futuram iustorum et iniquorum

vul@Acts:24:16 @ in hoc et ipse studeo sine offendiculo conscientiam habere ad Deum et ad homines semper

vul@Acts:24:17 @ post annos autem plures elemosynas facturus in gentem meam veni et oblationes et vota

vul@Acts:24:18 @ in quibus invenerunt me purificatum in templo non cum turba neque cum tumultu

vul@Acts:24:19 @ quidam autem ex Asia Iudaei quos oportebat apud te praesto esse et accusare si quid haberent adversum me

vul@Acts:24:20 @ aut hii ipsi dicant si quid invenerunt in me iniquitatis cum stem in concilio

vul@Acts:24:21 @ nisi de una hac solummodo voce qua clamavi inter eos stans quoniam de resurrectione mortuorum ego iudicor hodie a vobis

vul@Acts:24:22 @ distulit autem illos Felix certissime sciens de via dicens cum tribunus Lysias descenderit audiam vos

vul@Acts:24:23 @ iussitque centurioni custodiri eum et habere requiem nec quemquam prohibere de suis ministrare ei

vul@Acts:24:24 @ post aliquot autem dies veniens Felix cum Drusilla uxore sua quae erat Iudaea vocavit Paulum et audivit ab eo fidem quae est in Iesum Christum

vul@Acts:24:25 @ disputante autem illo de iustitia et castitate et de iudicio futuro timefactus Felix respondit quod nunc adtinet vade tempore autem oportuno accersiam te

vul@Acts:24:26 @ simul et sperans quia pecunia daretur a Paulo propter quod et frequenter accersiens eum loquebatur cum eo

vul@Acts:24:27 @ biennio autem expleto accepit successorem Felix Porcium Festum volens autem gratiam praestare Iudaeis Felix reliquit Paulum vinctum

Acts 24