vul - 3

vul@Acts:3:1 @ Petrus autem et Iohannes ascendebant in templum ad horam orationis nonam

vul@Acts:3:2 @ et quidam vir qui erat claudus ex utero matris suae baiulabatur quem ponebant cotidie ad portam templi quae dicitur Speciosa ut peteret elemosynam ab introeuntibus in templum

vul@Acts:3:3 @ is cum vidisset Petrum et Iohannem incipientes introire in templum rogabat ut elemosynam acciperet

vul@Acts:3:4 @ intuens autem in eum Petrus cum Iohanne dixit respice in nos

vul@Acts:3:5 @ at ille intendebat in eos sperans se aliquid accepturum ab eis

vul@Acts:3:6 @ Petrus autem dixit argentum et aurum non est mihi quod autem habeo hoc tibi do in nomine Iesu Christi Nazareni surge et ambula

vul@Acts:3:7 @ et adprehensa ei manu dextera adlevavit eum et protinus consolidatae sunt bases eius et plantae

vul@Acts:3:8 @ et exiliens stetit et ambulabat et intravit cum illis in templum ambulans et exiliens et laudans Dominum

vul@Acts:3:9 @ et vidit omnis populus eum ambulantem et laudantem Deum

vul@Acts:3:10 @ cognoscebant autem illum quoniam ipse erat qui ad elemosynam sedebat ad Speciosam portam templi et impleti sunt stupore et extasi in eo quod contigerat illi

vul@Acts:3:11 @ cum teneret autem Petrum et Iohannem concurrit omnis populus ad eos ad porticum qui appellatur Salomonis stupentes

vul@Acts:3:12 @ videns autem Petrus respondit ad populum viri israhelitae quid miramini in hoc aut nos quid intuemini quasi nostra virtute aut pietate fecerimus hunc ambulare

vul@Acts:3:13 @ Deus Abraham et Deus Isaac et Deus Iacob Deus patrum nostrorum glorificavit Filium suum Iesum quem vos quidem tradidistis et negastis ante faciem Pilati iudicante illo dimitti

vul@Acts:3:14 @ vos autem sanctum et iustum negastis et petistis virum homicidam donari vobis

vul@Acts:3:15 @ auctorem vero vitae interfecistis quem Deus suscitavit a mortuis cuius nos testes sumus

vul@Acts:3:16 @ et in fide nominis eius hunc quem videtis et nostis confirmavit nomen eius et fides quae per eum est dedit integram sanitatem istam in conspectu omnium vestrum

vul@Acts:3:17 @ et nunc fratres scio quia per ignorantiam fecistis sicut et principes vestri

vul@Acts:3:18 @ Deus autem quae praenuntiavit per os omnium prophetarum pati Christum suum implevit sic

vul@Acts:3:19 @ paenitemini igitur et convertimini ut deleantur vestra peccata

vul@Acts:3:20 @ ut cum venerint tempora refrigerii a conspectu Domini et miserit eum qui praedicatus est vobis Iesum Christum

vul@Acts:3:21 @ quem oportet caelum quidem suscipere usque in tempora restitutionis omnium quae locutus est Deus per os sanctorum suorum a saeculo prophetarum

vul@Acts:3:22 @ Moses quidem dixit quia prophetam vobis suscitabit Dominus Deus vester de fratribus vestris tamquam me ipsum audietis iuxta omnia quaecumque locutus fuerit vobis

vul@Acts:3:23 @ erit autem omnis anima quae non audierit prophetam illum exterminabitur de plebe

vul@Acts:3:24 @ et omnes prophetae a Samuhel et deinceps qui locuti sunt et adnuntiaverunt dies istos

vul@Acts:3:25 @ vos estis filii prophetarum et testamenti quod disposuit Deus ad patres vestros dicens ad Abraham et in semine tuo benedicentur omnes familiae terrae

vul@Acts:3:26 @ vobis primum Deus suscitans Filium suum misit eum benedicentem vobis ut convertat se unusquisque a nequitia sua

Acts 3