vul - 3

vul@Colossians:3:1 @ igitur si conresurrexistis Christo quae sursum sunt quaerite ubi Christus est in dextera Dei sedens

vul@Colossians:3:2 @ quae sursum sunt sapite non quae supra terram

vul@Colossians:3:3 @ mortui enim estis et vita vestra abscondita est cum Christo in Deo

vul@Colossians:3:4 @ cum Christus apparuerit vita vestra tunc et vos apparebitis cum ipso in gloria

vul@Colossians:3:5 @ mortificate ergo membra vestra quae sunt super terram fornicationem inmunditiam libidinem concupiscentiam malam et avaritiam quae est simulacrorum servitus

vul@Colossians:3:6 @ propter quae venit ira Dei super filios incredulitatis

vul@Colossians:3:7 @ in quibus et vos ambulastis aliquando cum viveretis in illis

vul@Colossians:3:8 @ nunc autem deponite et vos omnia iram indignationem malitiam blasphemiam turpem sermonem de ore vestro

vul@Colossians:3:9 @ nolite mentiri invicem expoliantes vos veterem hominem cum actibus eius

vul@Colossians:3:10 @ et induentes novum eum qui renovatur in agnitionem secundum imaginem eius qui creavit eum

vul@Colossians:3:11 @ ubi non est gentilis et Iudaeus circumcisio et praeputium barbarus et Scytha servus et liber sed omnia et in omnibus Christus

vul@Colossians:3:12 @ induite vos ergo sicut electi Dei sancti et dilecti viscera misericordiae benignitatem humilitatem modestiam patientiam

vul@Colossians:3:13 @ subportantes invicem et donantes vobis ipsis si quis adversus aliquem habet querellam sicut et Dominus donavit vobis ita et vos

vul@Colossians:3:14 @ super omnia autem haec caritatem quod est vinculum perfectionis

vul@Colossians:3:15 @ et pax Christi exultet in cordibus vestris in qua et vocati estis in uno corpore et grati estote

vul@Colossians:3:16 @ verbum Christi habitet in vobis abundanter in omni sapientia docentes et commonentes vosmet ipsos psalmis hymnis canticis spiritalibus in gratia cantantes in cordibus vestris Deo

vul@Colossians:3:17 @ omne quodcumque facitis in verbo aut in opere omnia in nomine Domini Iesu gratias agentes Deo et Patri per ipsum

vul@Colossians:3:18 @ mulieres subditae estote viris sicut oportet in Domino

vul@Colossians:3:19 @ viri diligite uxores et nolite amari esse ad illas

vul@Colossians:3:20 @ filii oboedite parentibus per omnia hoc enim placitum est in Domino

vul@Colossians:3:21 @ patres nolite ad indignationem provocare filios vestros ut non pusillo animo fiant

vul@Colossians:3:22 @ servi oboedite per omnia dominis carnalibus non ad oculum servientes quasi hominibus placentes sed in simplicitate cordis timentes Dominum

vul@Colossians:3:23 @ quodcumque facitis ex animo operamini sicut Domino et non hominibus

vul@Colossians:3:24 @ scientes quod a Domino accipietis retributionem hereditatis Domino Christo servite

vul@Colossians:3:25 @ qui enim iniuriam facit recipiet id quod inique gessit et non est personarum acceptio

Colossians 3