vul - 27

vul@Deuteronomy:27:1 @ praecepit autem Moses et seniores Israhel populo dicentes custodite omne mandatum quod praecipio vobis hodie

vul@Deuteronomy:27:2 @ cumque transieritis Iordanem in terram quam Dominus Deus tuus dabit tibi eriges ingentes lapides et calce levigabis eos

vul@Deuteronomy:27:3 @ ut possis in eis scribere omnia verba legis huius Iordane transmisso ut introeas terram quam Dominus Deus tuus dabit tibi terram lacte et melle manantem sicut iuravit patribus tuis

vul@Deuteronomy:27:4 @ quando ergo transieritis Iordanem erige lapides quos ego hodie praecipio vobis in monte Hebal et levigabis calce

vul@Deuteronomy:27:5 @ et aedificabis ibi altare Domino Deo tuo de lapidibus quos ferrum non tetigit

vul@Deuteronomy:27:6 @ et de saxis informibus et inpolitis et offeres super eo holocausta Domino Deo tuo

vul@Deuteronomy:27:7 @ et immolabis hostias pacificas comedesque ibi et epulaberis coram Domino Deo tuo

vul@Deuteronomy:27:8 @ et scribes super lapides omnia verba legis huius plane et lucide

vul@Deuteronomy:27:9 @ dixeruntque Moses et sacerdotes levitici generis ad omnem Israhelem adtende et audi Israhel hodie factus es populus Domini Dei tui

vul@Deuteronomy:27:10 @ audies vocem eius et facies mandata atque iustitias quas ego praecipio tibi

vul@Deuteronomy:27:11 @ praecepitque Moses populo in die illo dicens

vul@Deuteronomy:27:12 @ hii stabunt ad benedicendum Domino super montem Garizim Iordane transmisso Symeon Levi Iudas Isachar Ioseph et Beniamin

vul@Deuteronomy:27:13 @ et e regione isti stabunt ad maledicendum in monte Hebal Ruben Gad et Aser Zabulon Dan et Nepthalim

vul@Deuteronomy:27:14 @ et pronuntiabunt Levitae dicentque ad omnes viros Israhel excelsa voce

vul@Deuteronomy:27:15 @ maledictus homo qui facit sculptile et conflatile abominationem Domini opus manuum artificum ponetque illud in abscondito et respondebit omnis populus et dicet amen

vul@Deuteronomy:27:16 @ maledictus qui non honorat patrem suum et matrem et dicet omnis populus amen

vul@Deuteronomy:27:17 @ maledictus qui transfert terminos proximi sui et dicet omnis populus amen

vul@Deuteronomy:27:18 @ maledictus qui errare facit caecum in itinere et dicet omnis populus amen

vul@Deuteronomy:27:19 @ maledictus qui pervertit iudicium advenae pupilli et viduae et dicet omnis populus amen

vul@Deuteronomy:27:20 @ maledictus qui dormit cum uxore patris sui et revelat operimentum lectuli eius et dicet omnis populus amen

vul@Deuteronomy:27:21 @ maledictus qui dormit cum omni iumento et dicet omnis populus amen

vul@Deuteronomy:27:22 @ maledictus qui dormit cum sorore sua filia patris sui sive matris suae et dicet omnis populus amen

vul@Deuteronomy:27:23 @ maledictus qui dormit cum socru sua et dicet omnis populus amen

vul@Deuteronomy:27:24 @ maledictus qui clam percusserit proximum suum et dicet omnis populus amen

vul@Deuteronomy:27:25 @ maledictus qui accipit munera ut percutiat animam sanguinis innocentis et dicet omnis populus amen

vul@Deuteronomy:27:26 @ maledictus qui non permanet in sermonibus legis huius nec eos opere perficit et dicet omnis populus amen

Deuteronomy 27