cebuano_ang_biblia_pinadayag

cebuano_ang_biblia_pinadayag@Ecclesiastes:11:1 @ ¶ Isalibay ang imong mga tinapay ngadto sa katubigan; kay kini hikaplagan ra nimo sa tapus ang daghang mga adlaw.

cebuano_ang_biblia_pinadayag@Ecclesiastes:11:2 @ Hatagi ug usa ka bahin ang pito, oo, bisan pa ang walo; kay ikaw wala masayud kong unsa ang kadautan nga mahitabo sa ibabaw sa yuta.

cebuano_ang_biblia_pinadayag@Ecclesiastes:11:3 @ Kong ang mga dag-um napuno sa ulan, kini nagabubo sa ilang kaugalingon sa ibabaw sa yuta; ug kong ang usa ka kahoy mapukan ngadto sa habagatan, kun ngadto sa amihanan, sa dapit diin ang kahoy mapukan didto atua man siya.

cebuano_ang_biblia_pinadayag@Ecclesiastes:11:4 @ Kadtong nagapaniid sa hangin dili makapugas; ug kadtong nagatimaan sa mga panganod dili makaani.

cebuano_ang_biblia_pinadayag@Ecclesiastes:11:5 @ Ingon nga ikaw wala masayud kong unsa ang dalan sa hangin, giunsa sa mga bukog sa tagoangkan niadtong nagamabdos; ingon man usab ikaw wala masayud sa buhat sa Dios nga mao ang nagahimo sa tanan.

cebuano_ang_biblia_pinadayag@Ecclesiastes:11:6 @ Sa buntag ipugas ang imong binhi, ug sa gabii ayaw pagpunggi ang imong kamot; kay ikaw wala masayud kong hain ang mouswag, kini ba kun kana ba, kun managsama ba sila nga duruha nga maayo.

cebuano_ang_biblia_pinadayag@Ecclesiastes:11:7 @ ¶ Sa pagkamatuod ang kahayag matam-is, ug makapahimuot nga butang alang sa mga mata ang pagtan-aw sa adlaw.

cebuano_ang_biblia_pinadayag@Ecclesiastes:11:8 @ Oo, kong ang tawo magapuyo sa daghanan nga mga tuig, tugoti nga magalipay siya diha kanilang tanan; apan papahinumduma siya sa mga adlaw sa kangitngitan, kay magadaghan man sila. Ang tanan nga moabut kakawangan man.

cebuano_ang_biblia_pinadayag@Ecclesiastes:11:9 @ Paglipay, Oh batan-on nga lalake sa imong pagkabatan-on, ug tugoti nga ang imong kasingkasing magapadasig kanimo sa mga adlaw sa imong pagkabatan-on, ug lumakaw ka sa mga dalan sa imong kasingkasing, ug sa panan-aw sa imong mga mata; apan hibaloan mo nga tungod niining tanan nga mga butanga ang Dios magadala kanimo ngadto sa paghukom.

cebuano_ang_biblia_pinadayag@Ecclesiastes:11:10 @ Busa kuhaa ang kasubo gikan sa imong kasingkasing, ug ipahilayo ang kadautan gikan sa imong unod; kay ang kabatan-on ug ang banagbanag sa kinabuhi mga kakawangan man.

Ecclesiastes 11