vul - 1

vul@Ephesians:1:1 @ Paulus apostolus Christi Iesu per voluntatem Dei sanctis omnibus qui sunt Ephesi et fidelibus in Christo Iesu

vul@Ephesians:1:2 @ gratia vobis et pax a Deo Patre nostro et Domino Iesu Christo

vul@Ephesians:1:3 @ benedictus Deus et Pater Domini nostri Iesu Christi qui benedixit nos in omni benedictione spiritali in caelestibus in Christo

vul@Ephesians:1:4 @ sicut elegit nos in ipso ante mundi constitutionem ut essemus sancti et inmaculati in conspectu eius in caritate

vul@Ephesians:1:5 @ qui praedestinavit nos in adoptionem filiorum per Iesum Christum in ipsum secundum propositum voluntatis suae

vul@Ephesians:1:6 @ in laudem gloriae gratiae suae in qua gratificavit nos in dilecto

vul@Ephesians:1:7 @ in quo habemus redemptionem per sanguinem eius remissionem peccatorum secundum divitias gratiae eius

vul@Ephesians:1:8 @ quae superabundavit in nobis in omni sapientia et prudentia

vul@Ephesians:1:9 @ ut notum faceret nobis sacramentum voluntatis suae secundum bonum placitum eius quod proposuit in eo

vul@Ephesians:1:10 @ in dispensationem plenitudinis temporum instaurare omnia in Christo quae in caelis et quae in terra sunt in ipso

vul@Ephesians:1:11 @ in quo etiam sorte vocati sumus praedestinati secundum propositum eius qui omnia operatur secundum consilium voluntatis suae

vul@Ephesians:1:12 @ ut simus in laudem gloriae eius qui ante speravimus in Christo

vul@Ephesians:1:13 @ in quo et vos cum audissetis verbum veritatis evangelium salutis vestrae in quo et credentes signati estis Spiritu promissionis Sancto

vul@Ephesians:1:14 @ qui est pignus hereditatis nostrae in redemptionem adquisitionis in laudem gloriae ipsius

vul@Ephesians:1:15 @ propterea et ego audiens fidem vestram quae est in Domino Iesu et dilectionem in omnes sanctos

vul@Ephesians:1:16 @ non cesso gratias agens pro vobis memoriam vestri faciens in orationibus meis

vul@Ephesians:1:17 @ ut Deus Domini nostri Iesu Christi Pater gloriae det vobis spiritum sapientiae et revelationis in agnitione eius

vul@Ephesians:1:18 @ inluminatos oculos cordis vestri ut sciatis quae sit spes vocationis eius quae divitiae gloriae hereditatis eius in sanctis

vul@Ephesians:1:19 @ et quae sit supereminens magnitudo virtutis eius in nos qui credidimus secundum operationem potentiae virtutis eius

vul@Ephesians:1:20 @ quam operatus est in Christo suscitans illum a mortuis et constituens ad dexteram suam in caelestibus

vul@Ephesians:1:21 @ supra omnem principatum et potestatem et virtutem et dominationem et omne nomen quod nominatur non solum in hoc saeculo sed et in futuro

vul@Ephesians:1:22 @ et omnia subiecit sub pedibus eius et ipsum dedit caput supra omnia ecclesiae

vul@Ephesians:1:23 @ quae est corpus ipsius plenitudo eius qui omnia in omnibus adimpletur

Ephesians 1