vul - 5

vul@Ephesians:5:1 @ estote ergo imitatores Dei sicut filii carissimi

vul@Ephesians:5:2 @ et ambulate in dilectione sicut et Christus dilexit nos et tradidit se ipsum pro nobis oblationem et hostiam Deo in odorem suavitatis

vul@Ephesians:5:3 @ fornicatio autem et omnis inmunditia aut avaritia nec nominetur in vobis sicut decet sanctos

vul@Ephesians:5:4 @ aut turpitudo aut stultiloquium aut scurrilitas quae ad rem non pertinent sed magis gratiarum actio

vul@Ephesians:5:5 @ hoc enim scitote intellegentes quod omnis fornicator aut inmundus aut avarus quod est idolorum servitus non habet hereditatem in regno Christi et Dei

vul@Ephesians:5:6 @ nemo vos seducat inanibus verbis propter haec enim venit ira Dei in filios diffidentiae

vul@Ephesians:5:7 @ nolite ergo effici participes eorum

vul@Ephesians:5:8 @ eratis enim aliquando tenebrae nunc autem lux in Domino ut filii lucis ambulate

vul@Ephesians:5:9 @ fructus enim lucis est in omni bonitate et iustitia et veritate

vul@Ephesians:5:10 @ probantes quid sit beneplacitum Deo

vul@Ephesians:5:11 @ et nolite communicare operibus infructuosis tenebrarum magis autem et redarguite

vul@Ephesians:5:12 @ quae enim in occulto fiunt ab ipsis turpe est et dicere

vul@Ephesians:5:13 @ omnia autem quae arguuntur a lumine manifestantur omne enim quod manifestatur lumen est

vul@Ephesians:5:14 @ propter quod dicit surge qui dormis et exsurge a mortuis et inluminabit tibi Christus

vul@Ephesians:5:15 @ videte itaque fratres quomodo caute ambuletis non quasi insipientes sed ut sapientes

vul@Ephesians:5:16 @ redimentes tempus quoniam dies mali sunt

vul@Ephesians:5:17 @ propterea nolite fieri inprudentes sed intellegentes quae sit voluntas Domini

vul@Ephesians:5:18 @ et nolite inebriari vino in quo est luxuria sed implemini Spiritu

vul@Ephesians:5:19 @ loquentes vobismet ipsis in psalmis et hymnis et canticis spiritalibus cantantes et psallentes in cordibus vestris Domino

vul@Ephesians:5:20 @ gratias agentes semper pro omnibus in nomine Domini nostri Iesu Christi Deo et Patri

vul@Ephesians:5:21 @ subiecti invicem in timore Christi

vul@Ephesians:5:22 @ mulieres viris suis subditae sint sicut Domino

vul@Ephesians:5:23 @ quoniam vir caput est mulieris sicut Christus caput est ecclesiae ipse salvator corporis

vul@Ephesians:5:24 @ sed ut ecclesia subiecta est Christo ita et mulieres viris suis in omnibus

vul@Ephesians:5:25 @ viri diligite uxores sicut et Christus dilexit ecclesiam et se ipsum tradidit pro ea

vul@Ephesians:5:26 @ ut illam sanctificaret mundans lavacro aquae in verbo

vul@Ephesians:5:27 @ ut exhiberet ipse sibi gloriosam ecclesiam non habentem maculam aut rugam aut aliquid eiusmodi sed ut sit sancta et inmaculata

vul@Ephesians:5:28 @ ita et viri debent diligere uxores suas ut corpora sua qui suam uxorem diligit se ipsum diligit

vul@Ephesians:5:29 @ nemo enim umquam carnem suam odio habuit sed nutrit et fovet eam sicut et Christus ecclesiam

vul@Ephesians:5:30 @ quia membra sumus corporis eius de carne eius et de ossibus eius

vul@Ephesians:5:31 @ propter hoc relinquet homo patrem et matrem suam et adherebit uxori suae et erunt duo in carne una

vul@Ephesians:5:32 @ sacramentum hoc magnum est ego autem dico in Christo et in ecclesia

vul@Ephesians:5:33 @ verumtamen et vos singuli unusquisque suam uxorem sicut se ipsum diligat uxor autem ut timeat virum

Ephesians 5