Exodus 1
vul@Exodus:1:1 @ haec sunt nomina filiorum Israhel qui ingressi sunt Aegyptum cum Iacob singuli cum domibus suis introierunt
vul@Exodus:1:2 @ Ruben Symeon Levi Iuda
vul@Exodus:1:3 @ Isachar Zabulon et Beniamin
vul@Exodus:1:4 @ Dan et Nepthalim Gad et Aser
vul@Exodus:1:5 @ erant igitur omnes animae eorum qui egressi sunt de femore Iacob septuaginta Ioseph autem in Aegypto erat
vul@Exodus:1:6 @ quo mortuo et universis fratribus eius omnique cognatione illa
vul@Exodus:1:7 @ filii Israhel creverunt et quasi germinantes multiplicati sunt ac roborati nimis impleverunt terram
vul@Exodus:1:8 @ surrexit interea rex novus super Aegyptum qui ignorabat Ioseph
vul@Exodus:1:9 @ et ait ad populum suum ecce populus filiorum Israhel multus et fortior nobis
vul@Exodus:1:10 @ venite sapienter opprimamus eum ne forte multiplicetur et si ingruerit contra nos bellum addatur inimicis nostris expugnatisque nobis egrediatur e terra
vul@Exodus:1:11 @ praeposuit itaque eis magistros operum ut adfligerent eos oneribus aedificaveruntque urbes tabernaculorum Pharaoni Phiton et Ramesses
vul@Exodus:1:12 @ quantoque opprimebant eos tanto magis multiplicabantur et crescebant
vul@Exodus:1:13 @ oderantque filios Israhel Aegyptii et adfligebant inludentes eis
vul@Exodus:1:14 @ atque ad amaritudinem perducebant vitam eorum operibus duris luti et lateris omnique famulatu quo in terrae operibus premebantur
vul@Exodus:1:15 @ dixit autem rex Aegypti obsetricibus Hebraeorum quarum una vocabatur Sephra altera Phua
vul@Exodus:1:16 @ praecipiens eis quando obsetricabitis Hebraeas et partus tempus advenerit si masculus fuerit interficite illum si femina reservate
vul@Exodus:1:17 @ timuerunt autem obsetrices Deum et non fecerunt iuxta praeceptum regis Aegypti sed conservabant mares
vul@Exodus:1:18 @ quibus ad se accersitis rex ait quidnam est hoc quod facere voluistis ut pueros servaretis
vul@Exodus:1:19 @ quae responderunt non sunt hebraeae sicut aegyptiae mulieres ipsae enim obsetricandi habent scientiam et priusquam veniamus ad eas pariunt
vul@Exodus:1:20 @ bene ergo fecit Deus obsetricibus et crevit populus confortatusque est nimis
vul@Exodus:1:21 @ et quia timuerant obsetrices Deum aedificavit illis domos
vul@Exodus:1:22 @ praecepit autem Pharao omni populo suo dicens quicquid masculini sexus natum fuerit in flumen proicite quicquid feminei reservate