Exodus 31
vul@Exodus:31:1 @ locutusque est Dominus ad Mosen dicens
vul@Exodus:31:2 @ ecce vocavi ex nomine Beselehel filium Uri filii Hur de tribu Iuda
vul@Exodus:31:3 @ et implevi eum spiritu Dei sapientia intellegentia et scientia in omni opere
vul@Exodus:31:4 @ ad excogitandum fabre quicquid fieri potest ex auro et argento et aere
vul@Exodus:31:5 @ marmore et gemmis et diversitate lignorum
vul@Exodus:31:6 @ dedique ei socium Hooliab filium Achisamech de tribu Dan et in corde omnis eruditi posui sapientiam ut faciant cuncta quae praecepi tibi
vul@Exodus:31:7 @ tabernaculum foederis et arcam testimonii et propitiatorium quod super eam est et cuncta vasa tabernaculi
vul@Exodus:31:8 @ mensamque et vasa eius candelabrum purissimum cum vasis suis et altaria thymiamatis
vul@Exodus:31:9 @ et holocausti et omnia vasa eorum labium cum basi sua
vul@Exodus:31:10 @ vestes sanctas in ministerio Aaron sacerdoti et filiis eius ut fungantur officio suo in sacris
vul@Exodus:31:11 @ oleum unctionis et thymiama aromatum in sanctuario omnia quae praecepi tibi facient
vul@Exodus:31:12 @ et locutus est Dominus ad Mosen dicens
vul@Exodus:31:13 @ loquere filiis Israhel et dices ad eos videte ut sabbatum meum custodiatis quia signum est inter me et vos in generationibus vestris ut sciatis quia ego Dominus qui sanctifico vos
vul@Exodus:31:14 @ custodite sabbatum sanctum est enim vobis qui polluerit illud morte morietur qui fecerit in eo opus peribit anima illius de medio populi sui
vul@Exodus:31:15 @ sex diebus facietis opus in die septimo sabbatum est requies sancta Domino omnis qui fecerit opus in hac die morietur
vul@Exodus:31:16 @ custodiant filii Israhel sabbatum et celebrent illud in generationibus suis pactum est sempiternum
vul@Exodus:31:17 @ inter me et filios Israhel signumque perpetuum sex enim diebus fecit Dominus caelum et terram et in septimo ab opere cessavit
vul@Exodus:31:18 @ dedit quoque Mosi conpletis huiuscemodi sermonibus in monte Sinai duas tabulas testimonii lapideas scriptas digito Dei