vul - 6

vul@Exodus:6:1 @ dixit Dominus ad Mosen nunc videbis quae facturus sum Pharaoni per manum enim fortem dimittet eos et in manu robusta eiciet illos de terra sua

vul@Exodus:6:2 @ locutusque est Dominus ad Mosen dicens ego Dominus

vul@Exodus:6:3 @ qui apparui Abraham Isaac et Iacob in Deo omnipotente et nomen meum Adonai non indicavi eis

vul@Exodus:6:4 @ pepigique cum eis foedus ut darem illis terram Chanaan terram peregrinationis eorum in qua fuerunt advenae

vul@Exodus:6:5 @ ego audivi gemitum filiorum Israhel quo Aegyptii oppresserunt eos et recordatus sum pacti mei

vul@Exodus:6:6 @ ideo dic filiis Israhel ego Dominus qui educam vos de ergastulo Aegyptiorum et eruam de servitute ac redimam in brachio excelso et iudiciis magnis

vul@Exodus:6:7 @ et adsumam vos mihi in populum et ero vester Deus scietisque quod ego sim Dominus Deus vester qui eduxerim vos de ergastulo Aegyptiorum

vul@Exodus:6:8 @ et induxerim in terram super quam levavi manum meam ut darem eam Abraham Isaac et Iacob daboque illam vobis possidendam ego Dominus

vul@Exodus:6:9 @ narravit ergo Moses omnia filiis Israhel qui non adquieverunt ei propter angustiam spiritus et opus durissimum

vul@Exodus:6:10 @ locutusque est Dominus ad Mosen dicens

vul@Exodus:6:11 @ ingredere et loquere ad Pharao regem Aegypti ut dimittat filios Israhel de terra sua

vul@Exodus:6:12 @ respondit Moses coram Domino ecce filii Israhel non me audiunt et quomodo audiet me Pharao praesertim cum sim incircumcisus labiis

vul@Exodus:6:13 @ locutus est Dominus ad Mosen et Aaron et dedit mandatum ad filios Israhel et ad Pharao regem Aegypti ut educerent filios Israhel de terra Aegypti

vul@Exodus:6:14 @ isti sunt principes domorum per familias suas filii Ruben primogeniti Israhelis Enoch et Phallu Aesrom et Charmi

vul@Exodus:6:15 @ hae cognationes Ruben filii Symeon Iamuhel et Iamin et Aod Iachin et Soer et Saul filius Chananitidis hae progenies Symeon

vul@Exodus:6:16 @ et haec nomina filiorum Levi per cognationes suas Gerson et Caath et Merari anni autem vitae Levi fuerunt centum triginta septem

vul@Exodus:6:17 @ filii Gerson Lobeni et Semei per cognationes suas

vul@Exodus:6:18 @ filii Caath Amram et Isuar et Hebron et Ozihel annique vitae Caath centum triginta tres

vul@Exodus:6:19 @ filii Merari Mooli et Musi hae cognationes Levi per familias suas

vul@Exodus:6:20 @ accepit autem Amram uxorem Iocabed patruelem suam quae peperit ei Aaron et Mosen fueruntque anni vitae Amram centum triginta septem

vul@Exodus:6:21 @ filii quoque Isuar Core et Napheg et Zechri

vul@Exodus:6:22 @ filii quoque Ozihel Misahel et Elsaphan et Sethri

vul@Exodus:6:23 @ accepit autem Aaron uxorem Elisabe filiam Aminadab sororem Naasson quae peperit ei Nadab et Abiu et Eleazar et Ithamar

vul@Exodus:6:24 @ filii quoque Core Asir et Helcana et Abiasab hae sunt cognationes Coritarum

vul@Exodus:6:25 @ at vero Eleazar filius Aaron accepit uxorem de filiabus Phutihel quae peperit ei Finees hii sunt principes familiarum leviticarum per cognationes suas

vul@Exodus:6:26 @ iste est Aaron et Moses quibus praecepit Dominus ut educerent filios Israhel de terra Aegypti per turmas suas

vul@Exodus:6:27 @ hii sunt qui loquuntur ad Pharao regem Aegypti ut educant filios Israhel de Aegypto iste Moses et Aaron

vul@Exodus:6:28 @ in die qua locutus est Dominus ad Mosen in terra Aegypti

vul@Exodus:6:29 @ et locutus est Dominus ad Mosen dicens ego Dominus loquere ad Pharao regem Aegypti omnia quae ego loquor tibi

vul@Exodus:6:30 @ et ait Moses coram Domino en incircumcisus labiis sum quomodo audiet me Pharao

Seeker Overlay: Off On

Bible:
Bible:
Book:

Exodus 6