vul - 10

vul@Ezekiel:10:1 @ et vidi et ecce in firmamento quod erat super caput cherubin quasi lapis sapphyrus quasi species similitudinis solii apparuit super ea

vul@Ezekiel:10:2 @ et dixit ad virum qui indutus erat lineis et ait ingredere in medio rotarum quae sunt subtus cherub et imple manum tuam prunis ignis quae sunt inter cherubin et effunde super civitatem ingressusque est in conspectu meo

vul@Ezekiel:10:3 @ cherubin autem stabant a dextris domus cum ingrederetur vir et nubes implevit atrium interius

vul@Ezekiel:10:4 @ et elevata est gloria Domini desuper cherub ad limen domus et repleta est domus nube et atrium repletum est splendore gloriae Domini

vul@Ezekiel:10:5 @ et sonitus alarum cherubin audiebatur usque ad atrium exterius quasi vox Dei omnipotentis loquentis

vul@Ezekiel:10:6 @ cumque praecepisset viro qui indutus erat lineis dicens sume ignem de medio rotarum quae sunt inter cherubin ingressus ille stetit iuxta rotam

vul@Ezekiel:10:7 @ et extendit cherub manum de medio cherubin ad ignem qui erat inter cherubin et sumpsit et dedit in manus eius qui indutus erat lineis qui accipiens egressus est

vul@Ezekiel:10:8 @ et apparuit in cherubin similitudo manus hominis subtus pinnas eorum

vul@Ezekiel:10:9 @ et vidi et ecce quattuor rotae iuxta cherubin rota una iuxta cherub unum et rota alia iuxta cherub unum species autem erat rotarum quasi visio lapidis chrysoliti

vul@Ezekiel:10:10 @ et aspectus earum similitudo una quattuor quasi sit rota in medio rotae

vul@Ezekiel:10:11 @ cumque ambularent in quattuor partes gradiebantur non revertebantur ambulantes sed ad locum ad quem ire declinabat quae prima erat sequebantur et ceterae nec convertebantur

vul@Ezekiel:10:12 @ et omne corpus earum et colla et manus et pinnae et circuli plena erant oculis in circuitu quattuor rotarum

vul@Ezekiel:10:13 @ et rotas istas vocavit volubiles audiente me

vul@Ezekiel:10:14 @ quattuor autem facies habebat unum facies una facies cherub et facies secunda facies hominis et in tertio facies leonis et in quarto facies aquilae

vul@Ezekiel:10:15 @ et elevata sunt cherubin ipsum est animal quod videram iuxta flumen Chobar

vul@Ezekiel:10:16 @ cumque ambularent cherubin ibant pariter et rotae iuxta ea et cum levarent cherubin alas suas ut exaltarentur de terra non residebant rotae sed et ipsae iuxta erant

vul@Ezekiel:10:17 @ stantibus illis stabant et cum elevatis elevabantur spiritus enim vitae erat in eis

vul@Ezekiel:10:18 @ et egressa est gloria Domini a limine templi et stetit super cherubin

vul@Ezekiel:10:19 @ et elevantia cherubin alas suas exaltata sunt a terra coram me et illis egredientibus rotae quoque subsecutae sunt et stetit in introitu portae domus Domini orientalis et gloria Dei Israhel erat super ea

vul@Ezekiel:10:20 @ ipsum est animal quod vidi subter Deum Israhel iuxta fluvium Chobar et intellexi quia cherubin essent

vul@Ezekiel:10:21 @ quattuor per quattuor vultus uni et quattuor alae uni et similitudo manus hominis sub alis eorum

vul@Ezekiel:10:22 @ et similitudo vultuum eorum ipsi vultus quos videram iuxta fluvium Chobar et intuitus eorum et impetus singulorum ante faciem suam ingredi

Ezekiel 10