vul - 14

vul@Ezekiel:14:1 @ et venerunt ad me viri seniorum Israhel et sederunt coram me

vul@Ezekiel:14:2 @ et factus est sermo Domini ad me dicens

vul@Ezekiel:14:3 @ fili hominis viri isti posuerunt inmunditias suas in cordibus suis et scandalum iniquitatis suae statuerunt contra faciem suam numquid interrogatus respondebo eis

vul@Ezekiel:14:4 @ propter hoc loquere eis et dices ad eos haec dicit Dominus Deus homo homo de domo Israhel qui posuerit inmunditias suas in corde suo et scandalum iniquitatis suae statuerit contra faciem suam et venerit ad prophetam interrogans per eum me ego Dominus respondebo ei in multitudine inmunditiarum suarum

vul@Ezekiel:14:5 @ ut capiatur domus Israhel in corde suo quo recesserunt a me in cunctis idolis suis

vul@Ezekiel:14:6 @ propterea dic ad domum Israhel haec dicit Dominus Deus convertimini et recedite ab idolis vestris et ab universis contaminationibus vestris avertite facies vestras

vul@Ezekiel:14:7 @ quia homo homo de domo Israhel et de proselytis quicumque advena fuerit in Israhel si alienatus fuerit a me et posuerit idola sua in corde suo et scandalum iniquitatis suae statuerit contra faciem suam et venerit ad prophetam ut interroget per eum me ego Dominus respondebo ei per me

vul@Ezekiel:14:8 @ et ponam faciem meam super hominem illum et faciam eum in exemplum et in proverbium et disperdam eum de medio populi mei et scietis quia ego Dominus

vul@Ezekiel:14:9 @ et propheta cum erraverit et locutus fuerit verbum ego Dominus decepi prophetam illum et extendam manum meam super eum et delebo eum de medio populi mei Israhel

vul@Ezekiel:14:10 @ et portabunt iniquitatem suam iuxta iniquitatem interrogantis sic iniquitas prophetae erit

vul@Ezekiel:14:11 @ ut non erret ultra domus Israhel a me neque polluatur in universis praevaricationibus suis sed sit mihi in populum et ego sim eis in Deum ait Dominus exercituum

vul@Ezekiel:14:12 @ et factus est sermo Domini ad me dicens

vul@Ezekiel:14:13 @ fili hominis terra cum peccaverit mihi ut praevaricetur praevaricans extendam manum meam super eam et conteram virgam panis eius et inmittam in eam famem et interficiam de ea hominem et iumentum

vul@Ezekiel:14:14 @ et si fuerint tres viri isti in medio eius Noe Danihel et Iob ipsi iustitia sua liberabunt animas suas ait Dominus exercituum

vul@Ezekiel:14:15 @ quod si et bestias pessimas induxero super terram ut vastem eam et fuerit invia eo quod non sit pertransiens propter bestias

vul@Ezekiel:14:16 @ tres viri isti qui fuerint in ea vivo ego dicit Dominus Deus quia nec filios nec filias liberabunt sed ipsi soli liberabuntur terra autem desolabitur

vul@Ezekiel:14:17 @ vel si gladium induxero super terram illam et dixero gladio transi per terram et interfecero de ea hominem et iumentum

vul@Ezekiel:14:18 @ et tres viri isti fuerint in medio eius vivo ego dicit Dominus Deus non liberabunt filios neque filias sed ipsi soli liberabuntur

vul@Ezekiel:14:19 @ si autem et pestilentiam inmisero super terram illam et effudero indignationem meam super eam in sanguine ut auferam ex ea hominem et iumentum

vul@Ezekiel:14:20 @ et Noe et Danihel et Iob fuerint in medio eius vivo ego dicit Dominus Deus quia filium et filiam non liberabunt sed ipsi iustitia sua liberabunt animas suas

vul@Ezekiel:14:21 @ quoniam haec dicit Dominus Deus quod si et quattuor iudicia mea pessima gladium et famem et bestias malas et pestilentiam misero in Hierusalem ut interficiam de ea hominem et pecus

vul@Ezekiel:14:22 @ tamen relinquetur in ea salvatio educentium filios et filias ecce ipsi egredientur ad vos et videbitis viam eorum et adinventiones eorum et consolabimini super malo quod induxi in Hierusalem in omnibus quae inportavi super eam

vul@Ezekiel:14:23 @ et consolabuntur vos cum videritis viam eorum et adinventiones eorum et cognoscetis quod non frustra fecerim omnia quae feci in ea ait Dominus Deus

Ezekiel 14