vul - 26

vul@Ezekiel:26:1 @ et factum est in undecimo anno prima mensis factus est sermo Domini ad me dicens

vul@Ezekiel:26:2 @ fili hominis pro eo quod dixit Tyrus de Hierusalem euge confractae sunt portae populorum conversa est ad me implebor deserta est

vul@Ezekiel:26:3 @ propterea haec dicit Dominus Deus ecce ego super te Tyre et ascendere faciam ad te gentes multas sicut ascendit mare fluctuans

vul@Ezekiel:26:4 @ et dissipabunt muros Tyri et destruent turres eius et radam pulverem eius de ea et dabo eam in limpidissimam petram

vul@Ezekiel:26:5 @ siccatio sagenarum erit in medio maris quia ego locutus sum ait Dominus Deus et erit in direptionem gentibus

vul@Ezekiel:26:6 @ filiae quoque eius quae sunt in agro gladio interficientur et scient quia ego Dominus

vul@Ezekiel:26:7 @ quia haec dicit Dominus Deus ecce ego adducam ad Tyrum Nabuchodonosor regem Babylonis ab aquilone regem regum cum equis et curribus et equitibus et coetu populoque magno

vul@Ezekiel:26:8 @ filias tuas quae sunt in agro gladio interficiet et circumdabit te munitionibus et conportabit aggerem in gyro et levabit contra te clypeum

vul@Ezekiel:26:9 @ et vineas et arietes temperabit in muros tuos et turres tuas destruet in armatura sua

vul@Ezekiel:26:10 @ inundatione equorum eius operiet te pulvis eorum a sonitu equitum et rotarum et curruum movebuntur muri tui dum ingressus fuerit portas tuas quasi per introitus urbis dissipatae

vul@Ezekiel:26:11 @ ungulis equorum suorum conculcabit omnes plateas tuas populum tuum gladio caedet et statuae tuae nobiles in terram corruent

vul@Ezekiel:26:12 @ vastabunt opes tuas diripient negotiationes tuas et destruent muros tuos et domos tuas praeclaras subvertent et lapides tuos et ligna tua et pulverem tuum in medio aquarum ponent

vul@Ezekiel:26:13 @ et quiescere faciam multitudinem canticorum tuorum et sonitus cithararum tuarum non audietur amplius

vul@Ezekiel:26:14 @ et dabo te in limpidissimam petram siccatio sagenarum eris nec aedificaberis ultra quia ego locutus sum dicit Dominus Deus

vul@Ezekiel:26:15 @ haec dicit Dominus Deus Tyro numquid non a sonitu ruinae tuae et gemitu interfectorum tuorum cum occisi fuerint in medio tui commovebuntur insulae

vul@Ezekiel:26:16 @ et descendent de sedibus suis omnes principes maris et auferent exuvias suas et vestimenta sua varia abicient et induentur stupore in terra sedebunt et adtoniti super repentino casu tuo admirabuntur

vul@Ezekiel:26:17 @ et adsumentes super te lamentum dicent tibi quomodo peristi quae habitas in mari urbs inclita quae fuisti fortis in mari cum habitatoribus tuis quos formidabant universi

vul@Ezekiel:26:18 @ nunc stupebunt naves in die pavoris tui et turbabuntur insulae in mari eo quod nullus egrediatur ex te

vul@Ezekiel:26:19 @ quia haec dicit Dominus Deus cum dedero te urbem desolatam sicut civitates quae non habitantur et adduxero super te abyssum et operuerint te aquae multae

vul@Ezekiel:26:20 @ et detraxero te cum his qui descendunt in lacum ad populum sempiternum et conlocavero te in terra novissima sicut solitudines veteres cum his qui deducuntur in lacum ut non habiteris porro dedero gloriam in terra viventium

vul@Ezekiel:26:21 @ in nihilum redigam te et non eris et requisita non invenieris ultra in sempiternum dicit Dominus Deus

Ezekiel 26