vul - 29

vul@Ezekiel:29:1 @ in anno decimo in decimo mense undecima mensis factum est verbum Domini ad me dicens

vul@Ezekiel:29:2 @ fili hominis pone faciem tuam contra Pharaonem regem Aegypti et prophetabis de eo et de Aegypto universa

vul@Ezekiel:29:3 @ loquere et dices haec dicit Dominus Deus ecce ego ad te Pharao rex Aegypti draco magne qui cubas in medio fluminum tuorum et dicis meus est fluvius et ego feci memet ipsum

vul@Ezekiel:29:4 @ et ponam frenum in maxillis tuis et adglutinabo pisces fluminum tuorum squamis tuis et extraham te de medio fluminum tuorum et universi pisces tui squamis tuis adherebunt

vul@Ezekiel:29:5 @ et proiciam te in desertum et omnes pisces fluminis tui super faciem terrae cades non colligeris neque congregaberis bestiis terrae et volatilibus caeli dedi te ad devorandum

vul@Ezekiel:29:6 @ et scient omnes habitatores Aegypti quia ego Dominus pro eo quod fuisti baculus harundineus domui Israhel

vul@Ezekiel:29:7 @ quando adprehenderunt te manu et confractus es et lacerasti omnem umerum eorum et innitentibus eis super te comminutus es et dissolvisti omnes renes eorum

vul@Ezekiel:29:8 @ propterea haec dicit Dominus Deus ecce ego adducam super te gladium et interficiam de te hominem et iumentum

vul@Ezekiel:29:9 @ et erit terra Aegypti in desertum et solitudinem et scient quia ego Dominus eo quod dixerit fluvius meus est et ego feci

vul@Ezekiel:29:10 @ idcirco ecce ego ad te et ad flumina tua daboque terram Aegypti in solitudines gladio dissipatam a turre Syenes usque ad terminos Aethiopiae

vul@Ezekiel:29:11 @ non pertransibit eam pes hominis neque pes iumenti gradietur in ea et non habitabitur quadraginta annis

vul@Ezekiel:29:12 @ daboque terram Aegypti desertam in medio terrarum desertarum et civitates eius in medio urbium subversarum erunt desolatae quadraginta annis et dispergam Aegyptios in nationes et ventilabo eos in terras

vul@Ezekiel:29:13 @ quia haec dicit Dominus Deus post finem quadraginta annorum congregabo Aegyptum de populis in quibus dispersi fuerunt

vul@Ezekiel:29:14 @ et reducam captivitatem Aegypti et conlocabo eos in terra Fatures in terra nativitatis suae et erunt ibi in regnum humile

vul@Ezekiel:29:15 @ inter regna cetera erit humillima et non elevabitur ultra super nationes et inminuam eos ne imperent gentibus

vul@Ezekiel:29:16 @ neque erunt ultra domui Israhel in confidentia docentes iniquitatem ut fugiant et sequantur eos et scient quia ego Dominus Deus

vul@Ezekiel:29:17 @ et factum est in vicesimo et septimo anno in primo in una mensis factum est verbum Domini ad me dicens

vul@Ezekiel:29:18 @ fili hominis Nabuchodonosor rex Babylonis servire fecit exercitum suum servitute magna adversum Tyrum omne caput decalvatum et omnis umerus depilatus est et merces non est reddita ei neque exercitui eius de Tyro pro servitute qua servivit mihi adversum eam

vul@Ezekiel:29:19 @ propterea haec dicit Dominus Deus ecce ego dabo Nabuchodonosor regem Babylonis in terra Aegypti et accipiet multitudinem eius et depraedabitur manubias eius et diripiet spolia eius et erit merces exercitui illius

vul@Ezekiel:29:20 @ et operi pro quo servivit adversum eam dedi ei terram Aegypti pro eo quod laboraverunt mihi ait Dominus Deus

vul@Ezekiel:29:21 @ in die illo pullulabit cornu domui Israhel et tibi dabo apertum os in medio eorum et scient quoniam ego Dominus

Seeker Overlay: Off On

Bible:
Bible:
Book:

Ezekiel 29