vul - 30

vul@Ezekiel:30:1 @ et factum est verbum Domini ad me dicens

vul@Ezekiel:30:2 @ fili hominis propheta et dic haec dicit Dominus Deus ululate vae vae diei

vul@Ezekiel:30:3 @ quia iuxta est dies et adpropinquavit dies Domini dies nubis tempus gentium erit

vul@Ezekiel:30:4 @ et veniet gladius in Aegyptum et erit pavor in Aethiopia cum ceciderint vulnerati in Aegypto et ablata fuerit multitudo illius et destructa fundamenta eius

vul@Ezekiel:30:5 @ Aethiopia et Lybia et Lydii et omne reliquum vulgus et Chub et filii terrae foederis cum eis gladio cadent

vul@Ezekiel:30:6 @ haec dicit Dominus Deus et corruent fulcientes Aegyptum et destruetur superbia imperii eius a turre Syenes gladio cadent in ea ait Dominus exercituum

vul@Ezekiel:30:7 @ et dissipabuntur in medio terrarum desolatarum et urbes eius in medio civitatum desertarum erunt

vul@Ezekiel:30:8 @ et scient quoniam ego Dominus cum dedero ignem in Aegyptum et adtriti fuerint omnes auxiliatores eius

vul@Ezekiel:30:9 @ in die illa egredientur nuntii a facie mea in trieribus ad conterendam Aethiopiae confidentiam et erit pavor in eis in die Aegypti quia absque dubio veniet

vul@Ezekiel:30:10 @ haec dicit Dominus Deus et cessare faciam multitudinem Aegypti in manu Nabuchodonosor regis Babylonis

vul@Ezekiel:30:11 @ ipse et populus eius cum eo fortissimi gentium adducentur ad disperdendam terram et evaginabunt gladios suos super Aegyptum et implebunt terram interfectis

vul@Ezekiel:30:12 @ et faciam alveos fluminum aridos et tradam terram in manu pessimorum et dissipabo terram et plenitudinem eius in manu alienorum ego Dominus locutus sum

vul@Ezekiel:30:13 @ haec dicit Dominus Deus et disperdam simulacra et cessare faciam idola de Memphis et dux de terra Aegypti non erit amplius et dabo terrorem in terra Aegypti

vul@Ezekiel:30:14 @ et disperdam terram Fatures et dabo ignem in Tafnis et faciam iudicia in Alexandriam

vul@Ezekiel:30:15 @ et effundam indignationem meam super Pelusium robur Aegypti et interficiam multitudinem Alexandriae

vul@Ezekiel:30:16 @ et dabo ignem in Aegypto quasi parturiens dolebit Pelusium et Alexandria erit dissipata et in Memphis angustiae cotidianae

vul@Ezekiel:30:17 @ iuvenes Eliupoleos et Bubasti gladio cadent et ipsae captivae ducentur

vul@Ezekiel:30:18 @ et in Tafnis nigrescet dies cum contrivero ibi sceptra Aegypti et defecerit in ea superbia potentiae eius ipsam nubes operiet filiae autem eius in captivitatem ducentur

vul@Ezekiel:30:19 @ et faciam iudicia in Aegypto et scient quia ego Dominus

vul@Ezekiel:30:20 @ et factum est in undecimo anno in primo in septima mensis factum est verbum Domini ad me dicens

vul@Ezekiel:30:21 @ fili hominis brachium Pharao regis Aegypti confregi et ecce non est obvolutum ut restitueretur ei sanitas ut ligaretur pannis et farciretur linteolis et recepto robore posset tenere gladium

vul@Ezekiel:30:22 @ propterea haec dicit Dominus Deus ecce ego ad Pharao regem Aegypti et comminuam brachium eius forte sed confractum et deiciam gladium de manu eius

vul@Ezekiel:30:23 @ et dispergam Aegyptum in gentibus et ventilabo eos in terris

vul@Ezekiel:30:24 @ et confortabo brachia regis Babylonis daboque gladium meum in manu eius et confringam brachia Pharaonis et gement gemitibus interfecti coram facie eius

vul@Ezekiel:30:25 @ et confortabo brachia regis Babylonis et brachia Pharaonis concident et scient quia ego Dominus cum dedero gladium meum in manu regis Babylonis et extenderit eum super terram Aegypti

vul@Ezekiel:30:26 @ et dispergam Aegyptum in nationes et ventilabo eos in terris et scient quia ego Dominus

Seeker Overlay: Off On

Bible:
Bible:
Book:

Ezekiel 30