vul - 34

vul@Ezekiel:34:1 @ et factum est verbum Domini ad me dicens

vul@Ezekiel:34:2 @ fili hominis propheta de pastoribus Israhel propheta et dices pastoribus haec dicit Dominus Deus vae pastoribus Israhel qui pascebant semet ipsos nonne greges pascuntur a pastoribus

vul@Ezekiel:34:3 @ lac comedebatis et lanis operiebamini et quod crassum erat occidebatis gregem autem meum non pascebatis

vul@Ezekiel:34:4 @ quod infirmum fuit non consolidastis et quod aegrotum non sanastis quod fractum est non alligastis et quod abiectum est non reduxistis quod perierat non quaesistis sed cum austeritate imperabatis eis et cum potentia

vul@Ezekiel:34:5 @ et dispersae sunt oves meae eo quod non esset pastor et factae sunt in devorationem omnium bestiarum agri et dispersae sunt

vul@Ezekiel:34:6 @ erraverunt greges mei in cunctis montibus et in universo colle excelso et super omnem faciem terrae dispersi sunt greges mei et non erat qui requireret non erat inquam qui requireret

vul@Ezekiel:34:7 @ propterea pastores audite verbum Domini

vul@Ezekiel:34:8 @ vivo ego dicit Dominus Deus quia pro eo quod facti sunt greges mei in rapinam et oves meae in devorationem omnium bestiarum agri eo quod non esset pastor neque enim quaesierunt pastores gregem meum sed pascebant pastores semet ipsos et greges meos non pascebant

vul@Ezekiel:34:9 @ propterea pastores audite verbum Domini

vul@Ezekiel:34:10 @ haec dicit Dominus Deus ecce ego ipse super pastores requiram gregem meum de manu eorum et cessare eos faciam ut ultra non pascant gregem nec pascant amplius pastores semet ipsos et liberabo gregem meum de ore eorum et non erunt ultra eis in escam

vul@Ezekiel:34:11 @ quia haec dicit Dominus Deus ecce ego ipse requiram oves meas et visitabo eas

vul@Ezekiel:34:12 @ sicut visitat pastor gregem suum in die quando fuerit in medio ovium suarum dissipatarum sic visitabo oves meas et liberabo eas de omnibus locis quo dispersae fuerant in die nubis et caliginis

vul@Ezekiel:34:13 @ et educam eas de populis et congregabo eas de terris et inducam eas in terram suam et pascam eas in montibus Israhel in rivis et in cunctis sedibus terrae

vul@Ezekiel:34:14 @ in pascuis uberrimis pascam eas et in montibus excelsis Israhel erunt pascuae eorum ibi requiescent in herbis virentibus et in pascuis pinguibus pascentur super montes Israhel

vul@Ezekiel:34:15 @ ego pascam oves meas et ego eas accubare faciam dicit Dominus Deus

vul@Ezekiel:34:16 @ quod perierat requiram et quod abiectum erat reducam et quod confractum fuerat alligabo et quod infirmum erat consolidabo et quod pingue et forte custodiam et pascam illas in iudicio

vul@Ezekiel:34:17 @ vos autem greges mei haec dicit Dominus Deus ecce ego iudico inter pecus et pecus arietum et hircorum

vul@Ezekiel:34:18 @ nonne satis vobis erat pascuam bonam depasci insuper et reliquias pascuarum vestrarum conculcastis pedibus vestris et cum purissimam aquam biberetis reliquam pedibus vestris turbabatis

vul@Ezekiel:34:19 @ et oves meae his quae conculcata pedibus vestris fuerant pascebantur et quae pedes vestri turbaverant haec bibebant

vul@Ezekiel:34:20 @ propterea haec dicit Dominus Deus ad eos ecce ego ipse iudico inter pecus pingue et macilentum

vul@Ezekiel:34:21 @ pro eo quod lateribus et umeris inpingebatis et cornibus vestris ventilabatis omnia infirma pecora donec dispergerentur foras

vul@Ezekiel:34:22 @ salvabo gregem meum et non erit ultra in rapinam et iudicabo inter pecus et pecus

vul@Ezekiel:34:23 @ et suscitabo super ea pastorem unum qui pascat ea servum meum David ipse pascet ea et ipse erit eis in pastorem

vul@Ezekiel:34:24 @ ego autem Dominus ero eis in Deum et servus meus David princeps in medio eorum ego Dominus locutus sum

vul@Ezekiel:34:25 @ et faciam cum eis pactum pacis et cessare faciam bestias pessimas de terra et qui habitant in deserto securi dormient in saltibus

vul@Ezekiel:34:26 @ et ponam eos in circuitu collis mei benedictionem et deducam imbrem in tempore suo pluviae benedictionis erunt

vul@Ezekiel:34:27 @ et dabit lignum agri fructum suum et terra dabit germen suum et erunt in terra sua absque timore et scient quia ego Dominus cum contrivero catenas iugi eorum et eruero eos de manu imperantium sibi

vul@Ezekiel:34:28 @ et non erunt ultra in rapinam gentibus neque bestiae terrae devorabunt eos sed habitabunt confidenter absque ullo terrore

vul@Ezekiel:34:29 @ et suscitabo eis germen nominatum et non erunt ultra inminuti fame in terra neque portabunt amplius obprobria gentium

vul@Ezekiel:34:30 @ et scient quia ego Dominus Deus eorum cum eis et ipsi populus meus domus Israhel ait Dominus Deus

vul@Ezekiel:34:31 @ vos autem greges mei greges pascuae meae homines estis et ego Dominus Deus vester dicit Dominus Deus

Ezekiel 34