vul - 10

vul@Ezra:10:1 @ sic ergo orante Ezra et inplorante eo et flente et iacente ante templum Dei collectus est ad eum de Israhel coetus grandis nimis virorum et mulierum puerorumque et flevit populus multo fletu

vul@Ezra:10:2 @ et respondit Sechenia filius Iehihel de filiis Helam et dixit Ezrae nos praevaricati sumus in Deum nostrum et duximus uxores alienigenas de populis terrae et nunc si est paenitentia Israhel super hoc

vul@Ezra:10:3 @ percutiamus foedus cum Deo nostro ut proiciamus universas uxores et eos qui de his nati sunt iuxta voluntatem Domini et eorum qui timent praeceptum Dei nostri secundum legem fiat

vul@Ezra:10:4 @ surge tuum est decernere nosque erimus tecum confortare et fac

vul@Ezra:10:5 @ surrexit ergo Ezras et adiuravit principes sacerdotum Levitarum et omnem Israhel ut facerent secundum verbum hoc et iuraverunt

vul@Ezra:10:6 @ et surrexit Ezras ante domum Dei et abiit ad cubiculum Iohanan filii Eliasib et ingressus est illuc panem non comedit et aquam non bibit lugebat enim in transgressione eorum qui de captivitate venerant

vul@Ezra:10:7 @ et missa est vox in Iuda et in Hierusalem omnibus filiis transmigrationis ut congregarentur in Hierusalem

vul@Ezra:10:8 @ et omnis qui non venerit in tribus diebus iuxta consilium principum et seniorum auferetur universa substantia eius et ipse abicietur de coetu transmigrationis

vul@Ezra:10:9 @ convenerunt igitur omnes viri Iuda et Beniamin in Hierusalem tribus diebus ipse est mensis nonus vicesimo die mensis et sedit omnis populus in platea domus Dei trementes pro peccato et pluviis

vul@Ezra:10:10 @ et surrexit Ezras sacerdos et dixit ad eos vos transgressi estis et duxistis uxores alienigenas ut adderetis super delictum Israhel

vul@Ezra:10:11 @ et nunc date confessionem Domino Deo patrum vestrorum et facite placitum eius et separamini a populis terrae et ab uxoribus alienigenis

vul@Ezra:10:12 @ et respondit universa multitudo dixitque voce magna iuxta verbum tuum ad nos sic fiat

vul@Ezra:10:13 @ verumtamen quia populus multus est et tempus pluviae et non sustinemus stare foris et opus non est diei unius vel duorum vehementer quippe peccavimus in sermone isto

vul@Ezra:10:14 @ constituantur principes in universa multitudine et omnes in civitatibus nostris qui duxerunt uxores alienigenas veniant in temporibus statutis et cum his seniores per civitatem et civitatem et iudices eius donec avertatur ira Dei nostri a nobis super peccato hoc

vul@Ezra:10:15 @ igitur Ionathan filius Asahel et Iaazia filius Thecuae steterunt super hoc et Mesollam et Sebethai Levites adiuverunt eos

vul@Ezra:10:16 @ feceruntque sic filii transmigrationis et abierunt Ezras sacerdos et viri principes familiarum in domum patrum suorum et omnes per nomina sua et sederunt in die primo mensis decimi ut quaererent rem

vul@Ezra:10:17 @ et consummati sunt omnes viri qui duxerant uxores alienigenas usque ad diem primam mensis primi

vul@Ezra:10:18 @ et inventi sunt de filiis sacerdotum qui duxerant uxores alienigenas de filiis Iosue filii Iosedech et fratres eius Maasia et Eliezer et Iarib et Godolia

vul@Ezra:10:19 @ et dederunt manus suas ut eicerent uxores suas et pro delicto suo arietem de ovibus offerrent

vul@Ezra:10:20 @ et de filiis Emmer Anani et Zebedia

vul@Ezra:10:21 @ et de filiis Erim Masia et Helia et Semeia et Hiehihel et Ozias

vul@Ezra:10:22 @ et de filiis Phessur Helioenai Maasia Ismahel Nathanahel Iozabeth et Elasa

vul@Ezra:10:23 @ et de filiis Levitarum Iozabeth et Semei et Celaia ipse est Calita Phataia Iuda et Eliezer

vul@Ezra:10:24 @ et de cantoribus Eliasub et de ianitoribus Sellum et Telem et Uri

vul@Ezra:10:25 @ et ex Israhel de filiis Pharos Remia et Ezia et Melchia et Miamin et Eliezer et Melchia et Banea

vul@Ezra:10:26 @ et de filiis Helam Mathania Zaccharias et Hiehil et Abdi et Irimoth et Helia

vul@Ezra:10:27 @ et de filiis Zethua Helioenai Eliasib Mathania et Ierimuth et Zabeth et Aziza

vul@Ezra:10:28 @ et de filiis Bebai Iohanan Anania Zabbai Athalai

vul@Ezra:10:29 @ et de filiis Bani Mosollam et Melluch et Adaia Iasub et Saal et Ramoth

vul@Ezra:10:30 @ et de filiis Phaethmoab Edna et Chalal Banaias Maasias Mathanias Beselehel et Bennui et Manasse

vul@Ezra:10:31 @ et de filiis Erem Eliezer Iesue Melchias Semeias Symeon

vul@Ezra:10:32 @ Beniamin Maloch Samarias

vul@Ezra:10:33 @ de filiis Asom Matthanai Matthetha Zabed Elipheleth Iermai Manasse Semei

vul@Ezra:10:34 @ de filiis Bani Maaddi Amram et Huhel

vul@Ezra:10:35 @ Baneas et Badaias Cheiliau

vul@Ezra:10:36 @ Vannia Marimuth et Eliasib

vul@Ezra:10:37 @ Matthanias Mathanai et Iasi

vul@Ezra:10:38 @ et Bani et Bennui Semei

vul@Ezra:10:39 @ et Salmias et Nathan et Adaias

vul@Ezra:10:40 @ Mechnedabai Sisai Sarai

vul@Ezra:10:41 @ Ezrel et Selemau Semeria

vul@Ezra:10:42 @ Sellum Amaria Ioseph

vul@Ezra:10:43 @ de filiis Nebu Iaihel Matthathias Zabed Zabina Ieddu et Iohel Banaia

Ezra 10