vul - 3

vul@Galatians:3:1 @ o insensati Galatae quis vos fascinavit ante quorum oculos Iesus Christus proscriptus est crucifixus

vul@Galatians:3:2 @ hoc solum volo a vobis discere ex operibus legis Spiritum accepistis an ex auditu fidei

vul@Galatians:3:3 @ sic stulti estis cum Spiritu coeperitis nunc carne consummamini

vul@Galatians:3:4 @ tanta passi estis sine causa si tamen sine causa

vul@Galatians:3:5 @ qui ergo tribuit vobis Spiritum et operatur virtutes in vobis ex operibus legis an ex auditu fidei

vul@Galatians:3:6 @ sicut Abraham credidit Deo et reputatum est ei ad iustitiam

vul@Galatians:3:7 @ cognoscitis ergo quia qui ex fide sunt hii sunt filii Abrahae

vul@Galatians:3:8 @ providens autem scriptura quia ex fide iustificat gentes Deus praenuntiavit Abrahae quia benedicentur in te omnes gentes

vul@Galatians:3:9 @ igitur qui ex fide sunt benedicentur cum fideli Abraham

vul@Galatians:3:10 @ quicumque enim ex operibus legis sunt sub maledicto sunt scriptum est enim maledictus omnis qui non permanserit in omnibus quae scripta sunt in libro legis ut faciat ea

vul@Galatians:3:11 @ quoniam autem in lege nemo iustificatur apud Deum manifestum est quia iustus ex fide vivit

vul@Galatians:3:12 @ lex autem non est ex fide sed qui fecerit ea vivet in illis

vul@Galatians:3:13 @ Christus nos redemit de maledicto legis factus pro nobis maledictum quia scriptum est maledictus omnis qui pendet in ligno

vul@Galatians:3:14 @ ut in gentibus benedictio Abrahae fieret in Christo Iesu ut pollicitationem Spiritus accipiamus per fidem

vul@Galatians:3:15 @ fratres secundum hominem dico tamen hominis confirmatum testamentum nemo spernit aut superordinat

vul@Galatians:3:16 @ Abrahae dictae sunt promissiones et semini eius non dicit et seminibus quasi in multis sed quasi in uno et semini tuo qui est Christus

vul@Galatians:3:17 @ hoc autem dico testamentum confirmatum a Deo quae post quadringentos et triginta annos facta est lex non irritam facit ad evacuandam promissionem

vul@Galatians:3:18 @ nam si ex lege hereditas iam non ex repromissione Abrahae autem per promissionem donavit Deus

vul@Galatians:3:19 @ quid igitur lex propter transgressiones posita est donec veniret semen cui promiserat ordinata per angelos in manu mediatoris

vul@Galatians:3:20 @ mediator autem unius non est Deus autem unus est

vul@Galatians:3:21 @ lex ergo adversus promissa Dei absit si enim data esset lex quae posset vivificare vere ex lege esset iustitia

vul@Galatians:3:22 @ sed conclusit scriptura omnia sub peccato ut promissio ex fide Iesu Christi daretur credentibus

vul@Galatians:3:23 @ prius autem quam veniret fides sub lege custodiebamur conclusi in eam fidem quae revelanda erat

vul@Galatians:3:24 @ itaque lex pedagogus noster fuit in Christo ut ex fide iustificemur

vul@Galatians:3:25 @ at ubi venit fides iam non sumus sub pedagogo

vul@Galatians:3:26 @ omnes enim filii Dei estis per fidem in Christo Iesu

vul@Galatians:3:27 @ quicumque enim in Christo baptizati estis Christum induistis

vul@Galatians:3:28 @ non est Iudaeus neque Graecus non est servus neque liber non est masculus neque femina omnes enim vos unum estis in Christo Iesu

vul@Galatians:3:29 @ si autem vos Christi ergo Abrahae semen estis secundum promissionem heredes

Galatians 3