vul - 5

vul@Galatians:5:1 @ state et nolite iterum iugo servitutis contineri

vul@Galatians:5:2 @ ecce ego Paulus dico vobis quoniam si circumcidamini Christus vobis nihil proderit

vul@Galatians:5:3 @ testificor autem rursum omni homini circumcidenti se quoniam debitor est universae legis faciendae

vul@Galatians:5:4 @ evacuati estis a Christo qui in lege iustificamini a gratia excidistis

vul@Galatians:5:5 @ nos enim spiritu ex fide spem iustitiae expectamus

vul@Galatians:5:6 @ nam in Christo Iesu neque circumcisio aliquid valet neque praeputium sed fides quae per caritatem operatur

vul@Galatians:5:7 @ currebatis bene quis vos inpedivit veritati non oboedire

vul@Galatians:5:8 @ persuasio non est ex eo qui vocat vos

vul@Galatians:5:9 @ modicum fermentum totam massam corrumpit

vul@Galatians:5:10 @ ego confido in vobis in Domino quod nihil aliud sapietis qui autem conturbat vos portabit iudicium quicumque est ille

vul@Galatians:5:11 @ ego autem fratres si circumcisionem adhuc praedico quid adhuc persecutionem patior ergo evacuatum est scandalum crucis

vul@Galatians:5:12 @ utinam et abscidantur qui vos conturbant

vul@Galatians:5:13 @ vos enim in libertatem vocati estis fratres tantum ne libertatem in occasionem detis carnis sed per caritatem servite invicem

vul@Galatians:5:14 @ omnis enim lex in uno sermone impletur diliges proximum tuum sicut te ipsum

vul@Galatians:5:15 @ quod si invicem mordetis et comeditis videte ne ab invicem consumamini

vul@Galatians:5:16 @ dico autem spiritu ambulate et desiderium carnis non perficietis

vul@Galatians:5:17 @ caro enim concupiscit adversus spiritum spiritus autem adversus carnem haec enim invicem adversantur ut non quaecumque vultis illa faciatis

vul@Galatians:5:18 @ quod si spiritu ducimini non estis sub lege

vul@Galatians:5:19 @ manifesta autem sunt opera carnis quae sunt fornicatio inmunditia luxuria

vul@Galatians:5:20 @ idolorum servitus veneficia inimicitiae contentiones aemulationes irae rixae dissensiones sectae

vul@Galatians:5:21 @ invidiae homicidia ebrietates comesationes et his similia quae praedico vobis sicut praedixi quoniam qui talia agunt regnum Dei non consequentur

vul@Galatians:5:22 @ fructus autem Spiritus est caritas gaudium pax longanimitas bonitas benignitas

vul@Galatians:5:23 @ fides modestia continentia adversus huiusmodi non est lex

vul@Galatians:5:24 @ qui autem sunt Christi carnem crucifixerunt cum vitiis et concupiscentiis

vul@Galatians:5:25 @ si vivimus spiritu spiritu et ambulemus

vul@Galatians:5:26 @ non efficiamur inanis gloriae cupidi invicem provocantes invicem invidentes

Galatians 5