Genesis 2
sf_
hebmodern@Genesis:2:1 @ ויכלו השמים והארץ וכל צבאם׃
sf_hebmodern@Genesis:2:2 @ ויכל אלהים ביום השביעי מלאכתו אשר עשה וישבת ביום השביעי מכל מלאכתו אשר עשה׃
sf_hebmodern@Genesis:2:3 @ ויברך אלהים את יום השביעי ויקדש אתו כי בו שבת מכל מלאכתו אשר ברא אלהים לעשות׃
sf_hebmodern@Genesis:2:4 @ אלה תולדות השמים והארץ בהבראם ביום עשות יהוה אלהים ארץ ושמים׃
sf_hebmodern@Genesis:2:5 @ וכל שיח השדה טרם יהיה בארץ וכל עשב השדה טרם יצמח כי לא המטיר יהוה אלהים על הארץ ואדם אין לעבד את האדמה׃
sf_hebmodern@Genesis:2:6 @ ואד יעלה מן הארץ והשקה את כל פני האדמה׃
sf_hebmodern@Genesis:2:7 @ וייצר יהוה אלהים את האדם עפר מן האדמה ויפח באפיו נשמת חיים ויהי האדם לנפש חיה׃
sf_hebmodern@Genesis:2:8 @ ויטע יהוה אלהים גן בעדן מקדם וישם שם את האדם אשר יצר׃
sf_hebmodern@Genesis:2:9 @ ויצמח יהוה אלהים מן האדמה כל עץ נחמד למראה וטוב למאכל ועץ החיים בתוך הגן ועץ הדעת טוב ורע׃
sf_hebmodern@Genesis:2:10 @ ונהר יצא מעדן להשקות את הגן ומשם יפרד והיה לארבעה ראשים׃
sf_hebmodern@Genesis:2:11 @ שם האחד פישון הוא הסבב את כל ארץ החוילה אשר שם הזהב׃
sf_hebmodern@Genesis:2:12 @ וזהב הארץ ההוא טוב שם הבדלח ואבן השהם׃
sf_hebmodern@Genesis:2:13 @ ושם הנהר השני גיחון הוא הסובב את כל ארץ כוש׃
sf_hebmodern@Genesis:2:14 @ ושם הנהר השלישי חדקל הוא ההלך קדמת אשור והנהר הרביעי הוא פרת׃
sf_hebmodern@Genesis:2:15 @ ויקח יהוה אלהים את האדם וינחהו בגן עדן לעבדה ולשמרה׃
sf_hebmodern@Genesis:2:16 @ ויצו יהוה אלהים על האדם לאמר מכל עץ הגן אכל תאכל׃
sf_hebmodern@Genesis:2:17 @ ומעץ הדעת טוב ורע לא תאכל ממנו כי ביום אכלך ממנו מות תמות׃
sf_hebmodern@Genesis:2:18 @ ויאמר יהוה אלהים לא טוב היות האדם לבדו אעשה לו עזר כנגדו׃
sf_hebmodern@Genesis:2:19 @ ויצר יהוה אלהים מן האדמה כל חית השדה ואת כל עוף השמים ויבא אל האדם לראות מה יקרא לו וכל אשר יקרא לו האדם נפש חיה הוא שמו׃
sf_hebmodern@Genesis:2:20 @ ויקרא האדם שמות לכל הבהמה ולעוף השמים ולכל חית השדה ולאדם לא מצא עזר כנגדו׃
sf_hebmodern@Genesis:2:21 @ ויפל יהוה אלהים תרדמה על האדם ויישן ויקח אחת מצלעתיו ויסגר בשר תחתנה׃
sf_hebmodern@Genesis:2:22 @ ויבן יהוה אלהים את הצלע אשר לקח מן האדם לאשה ויבאה אל האדם׃
sf_hebmodern@Genesis:2:23 @ ויאמר האדם זאת הפעם עצם מעצמי ובשר מבשרי לזאת יקרא אשה כי מאיש לקחה זאת׃
sf_hebmodern@Genesis:2:24 @ על כן יעזב איש את אביו ואת אמו ודבק באשתו והיו לבשר אחד׃
sf_hebmodern@Genesis:2:25 @ ויהיו שניהם ערומים האדם ואשתו ולא יתבששו׃