vul - 1

vul@Hebrews:1:1 @ multifariam et multis modis olim Deus loquens patribus in prophetis

vul@Hebrews:1:2 @ novissime diebus istis locutus est nobis in Filio quem constituit heredem universorum per quem fecit et saecula

vul@Hebrews:1:3 @ qui cum sit splendor gloriae et figura substantiae eius portansque omnia verbo virtutis suae purgationem peccatorum faciens sedit ad dexteram Maiestatis in excelsis

vul@Hebrews:1:4 @ tanto melior angelis effectus quanto differentius prae illis nomen hereditavit

vul@Hebrews:1:5 @ cui enim dixit aliquando angelorum Filius meus es tu ego hodie genui te et rursum ego ero illi in Patrem et ipse erit mihi in Filium

vul@Hebrews:1:6 @ et cum iterum introducit primogenitum in orbem terrae dicit et adorent eum omnes angeli Dei

vul@Hebrews:1:7 @ et ad angelos quidem dicit qui facit angelos suos spiritus et ministros suos flammam ignis

vul@Hebrews:1:8 @ ad Filium autem thronus tuus Deus in saeculum saeculi et virga aequitatis virga regni tui

vul@Hebrews:1:9 @ dilexisti iustitiam et odisti iniquitatem propterea unxit te Deus Deus tuus oleo exultationis prae participibus tuis

vul@Hebrews:1:10 @ et tu in principio Domine terram fundasti et opera manuum tuarum sunt caeli

vul@Hebrews:1:11 @ ipsi peribunt tu autem permanebis et omnes ut vestimentum veterescent

vul@Hebrews:1:12 @ et velut amictum involves eos et mutabuntur tu autem idem es et anni tui non deficient

vul@Hebrews:1:13 @ ad quem autem angelorum dixit aliquando sede a dextris meis quoadusque ponam inimicos tuos scabillum pedum tuorum

vul@Hebrews:1:14 @ nonne omnes sunt administratorii spiritus in ministerium missi propter eos qui hereditatem capient salutis

Hebrews 1