vul - 12

vul@Hebrews:12:1 @ ideoque et nos tantam habentes inpositam nubem testium deponentes omne pondus et circumstans nos peccatum per patientiam curramus propositum nobis certamen

vul@Hebrews:12:2 @ aspicientes in auctorem fidei et consummatorem Iesum qui pro proposito sibi gaudio sustinuit crucem confusione contempta atque in dextera sedis Dei sedit

vul@Hebrews:12:3 @ recogitate enim eum qui talem sustinuit a peccatoribus adversum semet ipsos contradictionem ut ne fatigemini animis vestris deficientes

vul@Hebrews:12:4 @ nondum usque ad sanguinem restitistis adversus peccatum repugnantes

vul@Hebrews:12:5 @ et obliti estis consolationis quae vobis tamquam filiis loquitur dicens fili mi noli neglegere disciplinam Domini neque fatigeris dum ab eo argueris

vul@Hebrews:12:6 @ quem enim diligit Dominus castigat flagellat autem omnem filium quem recipit

vul@Hebrews:12:7 @ in disciplina perseverate tamquam filiis vobis offert Deus quis enim filius quem non corripit pater

vul@Hebrews:12:8 @ quod si extra disciplinam estis cuius participes facti sunt omnes ergo adulteri et non filii estis

vul@Hebrews:12:9 @ deinde patres quidem carnis nostrae habuimus eruditores et reverebamur non multo magis obtemperabimus Patri spirituum et vivemus

vul@Hebrews:12:10 @ et illi quidem in tempore paucorum dierum secundum voluntatem suam erudiebant nos hic autem ad id quod utile est in recipiendo sanctificationem eius

vul@Hebrews:12:11 @ omnis autem disciplina in praesenti quidem videtur non esse gaudii sed maeroris postea autem fructum pacatissimum exercitatis per eam reddit iustitiae

vul@Hebrews:12:12 @ propter quod remissas manus et soluta genua erigite

vul@Hebrews:12:13 @ et gressus rectos facite pedibus vestris ut non claudicans erret magis autem sanetur

vul@Hebrews:12:14 @ pacem sequimini cum omnibus et sanctimoniam sine qua nemo videbit Dominum

vul@Hebrews:12:15 @ contemplantes ne quis desit gratiae Dei ne qua radix amaritudinis sursum germinans inpediat et per illam inquinentur multi

vul@Hebrews:12:16 @ ne quis fornicator aut profanus ut Esau qui propter unam escam vendidit primitiva sua

vul@Hebrews:12:17 @ scitote enim quoniam et postea cupiens hereditare benedictionem reprobatus est non enim invenit paenitentiae locum quamquam cum lacrimis inquisisset eam

vul@Hebrews:12:18 @ non enim accessistis ad tractabilem et accensibilem ignem et turbinem et caliginem et procellam

vul@Hebrews:12:19 @ et tubae sonum et vocem verborum quam qui audierunt excusaverunt se ne eis fieret verbum

vul@Hebrews:12:20 @ non enim portabant quod dicebatur et si bestia tetigerit montem lapidabitur

vul@Hebrews:12:21 @ et ita terribile erat quod videbatur Moses dixit exterritus sum et tremebundus

vul@Hebrews:12:22 @ sed accessistis ad Sion montem et civitatem Dei viventis Hierusalem caelestem et multorum milium angelorum frequentiae

vul@Hebrews:12:23 @ et ecclesiam primitivorum qui conscripti sunt in caelis et iudicem omnium Deum et spiritus iustorum perfectorum

vul@Hebrews:12:24 @ et testamenti novi mediatorem Iesum et sanguinis sparsionem melius loquentem quam Abel

vul@Hebrews:12:25 @ videte ne recusetis loquentem si enim illi non effugerunt recusantes eum qui super terram loquebatur multo magis nos qui de caelis loquentem nobis avertimur

vul@Hebrews:12:26 @ cuius vox movit terram tunc modo autem repromittit dicens adhuc semel ego movebo non solum terram sed et caelum

vul@Hebrews:12:27 @ quod autem adhuc semel dicit declarat mobilium translationem tamquam factorum ut maneant ea quae sunt inmobilia

vul@Hebrews:12:28 @ itaque regnum inmobile suscipientes habemus gratiam per quam serviamus placentes Deo cum metu et reverentia

vul@Hebrews:12:29 @ etenim Deus noster ignis consumens est

Hebrews 12