vul - 7

vul@Hebrews:7:1 @ hic enim Melchisedech rex Salem sacerdos Dei summi qui obviavit Abrahae regresso a caede regum et benedixit ei

vul@Hebrews:7:2 @ cui decimas omnium divisit Abraham primum quidem qui interpretatur rex iustitiae deinde autem et rex Salem quod est rex pacis

vul@Hebrews:7:3 @ sine patre sine matre sine genealogia neque initium dierum neque finem vitae habens adsimilatus autem Filio Dei manet sacerdos in perpetuum

vul@Hebrews:7:4 @ intuemini autem quantus sit hic cui et decimam dedit de praecipuis Abraham patriarcha

vul@Hebrews:7:5 @ et quidem de filiis Levi sacerdotium accipientes mandatum habent decimas sumere a populo secundum legem id est a fratribus suis quamquam et ipsi exierunt de lumbis Abrahae

vul@Hebrews:7:6 @ cuius autem generatio non adnumeratur in eis decimas sumpsit Abraham et hunc qui habebat repromissiones benedixit

vul@Hebrews:7:7 @ sine ulla autem contradictione quod minus est a meliore benedicitur

vul@Hebrews:7:8 @ et hic quidem decimas morientes homines accipiunt ibi autem contestatus quia vivit

vul@Hebrews:7:9 @ et ut ita dictum sit per Abraham et Levi qui decimas accipit decimatus est

vul@Hebrews:7:10 @ adhuc enim in lumbis patris erat quando obviavit ei Melchisedech

vul@Hebrews:7:11 @ si ergo consummatio per sacerdotium leviticum erat populus enim sub ipso legem accepit quid adhuc necessarium secundum ordinem Melchisedech alium surgere sacerdotem et non secundum ordinem Aaron dici

vul@Hebrews:7:12 @ translato enim sacerdotio necesse est ut et legis translatio fiat

vul@Hebrews:7:13 @ in quo enim haec dicuntur de alia tribu est de qua nullus altario praesto fuit

vul@Hebrews:7:14 @ manifestum enim quod ex Iuda ortus sit Dominus noster in qua tribu nihil de sacerdotibus Moses locutus est

vul@Hebrews:7:15 @ et amplius adhuc manifestum est si secundum similitudinem Melchisedech exsurgit alius sacerdos

vul@Hebrews:7:16 @ qui non secundum legem mandati carnalis factus est sed secundum virtutem vitae insolubilis

vul@Hebrews:7:17 @ contestatur enim quoniam tu es sacerdos in aeternum secundum ordinem Melchisedech

vul@Hebrews:7:18 @ reprobatio quidem fit praecedentis mandati propter infirmitatem eius et inutilitatem

vul@Hebrews:7:19 @ nihil enim ad perfectum adduxit lex introductio vero melioris spei per quam proximamus ad Deum

vul@Hebrews:7:20 @ et quantum est non sine iureiurando alii quidem sine iureiurando sacerdotes facti sunt

vul@Hebrews:7:21 @ hic autem cum iureiurando per eum qui dixit ad illum iuravit Dominus et non paenitebit tu es sacerdos in aeternum

vul@Hebrews:7:22 @ in tantum melioris testamenti sponsor factus est Iesus

vul@Hebrews:7:23 @ et alii quidem plures facti sunt sacerdotes idcirco quod morte prohiberentur permanere

vul@Hebrews:7:24 @ hic autem eo quod maneat in aeternum sempiternum habet sacerdotium

vul@Hebrews:7:25 @ unde et salvare in perpetuo potest accedentes per semet ipsum ad Deum semper vivens ad interpellandum pro eis

vul@Hebrews:7:26 @ talis enim decebat ut nobis esset pontifex sanctus innocens inpollutus segregatus a peccatoribus et excelsior caelis factus

vul@Hebrews:7:27 @ qui non habet cotidie necessitatem quemadmodum sacerdotes prius pro suis delictis hostias offerre deinde pro populi hoc enim fecit semel se offerendo

vul@Hebrews:7:28 @ lex enim homines constituit sacerdotes infirmitatem habentes sermo autem iurisiurandi qui post legem est Filium in aeternum perfectum

Seeker Overlay: Off On

Bible:
Bible:
Book:

Hebrews 7