vul - 13

vul@Hosea:13:1 @ loquente Ephraim horror invasit Israhel et deliquit in Baal et mortuus est

vul@Hosea:13:2 @ et nunc addiderunt ad peccandum feceruntque sibi conflatile de argento suo quasi similitudinem idolorum factura artificum totum est his ipsi dicunt immolate homines vitulos adorantes

vul@Hosea:13:3 @ idcirco erunt quasi nubes matutina et sicut ros matutinus praeteriens sicut pulvis turbine raptus ex area et sicut fumus de fumario

vul@Hosea:13:4 @ ego autem Dominus Deus tuus ex terra Aegypti et Deum absque me nescies et salvator non est praeter me

vul@Hosea:13:5 @ ego cognovi te in deserto in terra solitudinis

vul@Hosea:13:6 @ iuxta pascua sua et adimpleti sunt et saturati elevaverunt cor suum et obliti sunt mei

vul@Hosea:13:7 @ et ero eis quasi leaena sicut pardus in via Assyriorum

vul@Hosea:13:8 @ occurram eis quasi ursa raptis catulis et disrumpam interiora iecoris eorum et consumam eos ibi quasi leo bestia agri scindet eos

vul@Hosea:13:9 @ perditio tua Israhel tantummodo in me auxilium tuum

vul@Hosea:13:10 @ ubi est rex tuus maxime nunc salvet te in omnibus urbibus tuis et iudices tui de quibus dixisti da mihi regem et principes

vul@Hosea:13:11 @ dabo tibi regem in furore meo et auferam in indignatione mea

vul@Hosea:13:12 @ conligata est iniquitas Ephraim absconditum peccatum eius

vul@Hosea:13:13 @ dolores parturientis venient ei ipse filius non sapiens nunc enim non stabit in contritione filiorum

vul@Hosea:13:14 @ de manu mortis liberabo eos de morte redimam eos ero mors tua o mors ero morsus tuus inferne consolatio abscondita est ab oculis meis

vul@Hosea:13:15 @ quia ipse inter fratres dividet adducet urentem ventum Dominus de deserto ascendentem et siccabit venas eius et desolabit fontem eius et ipse diripiet thesaurum omnis vasis desiderabilis

Hosea 13