vul - 4

vul@Hosea:4:1 @ audite verbum Domini filii Israhel quia iudicium Domino cum habitatoribus terrae non est enim veritas et non est misericordia et non est scientia Dei in terra

vul@Hosea:4:2 @ maledictum et mendacium et homicidium et furtum et adulterium inundaverunt et sanguis sanguinem tetigit

vul@Hosea:4:3 @ propter hoc lugebit terra et infirmabitur omnis qui habitat in ea in bestia agri et in volucre caeli sed et pisces maris congregabuntur

vul@Hosea:4:4 @ verumtamen unusquisque non iudicet et non arguatur vir populus enim tuus sicut hii qui contradicunt sacerdoti

vul@Hosea:4:5 @ et corrues hodie et corruet etiam propheta tecum nocte tacere feci matrem tuam

vul@Hosea:4:6 @ conticuit populus meus eo quod non habuerit scientiam quia tu scientiam reppulisti repellam te ne sacerdotio fungaris mihi et oblita es legis Dei tui obliviscar filiorum tuorum et ego

vul@Hosea:4:7 @ secundum multitudinem eorum sic peccaverunt mihi gloriam eorum in ignominiam commutabo

vul@Hosea:4:8 @ peccata populi mei comedent et ad iniquitatem eorum sublevabunt animas eorum

vul@Hosea:4:9 @ et erit sicut populus sic sacerdos et visitabo super eum vias eius et cogitationes eius reddam ei

vul@Hosea:4:10 @ et comedent et non saturabuntur fornicati sunt et non cessaverunt quoniam Dominum reliquerunt in non custodiendo

vul@Hosea:4:11 @ fornicatio et vinum et ebrietas aufert cor

vul@Hosea:4:12 @ populus meus in ligno suo interrogavit et baculus eius adnuntiavit ei spiritus enim fornicationum decepit eos et fornicati sunt a Deo suo

vul@Hosea:4:13 @ super capita montium sacrificabant et super colles accendebant thymiama subtus quercum et populum et terebinthum quia bona erat umbra eius ideo fornicabuntur filiae vestrae et sponsae vestrae adulterae erunt

vul@Hosea:4:14 @ non visitabo super filias vestras cum fuerint fornicatae et super sponsas vestras cum adulteraverint quoniam ipsi cum meretricibus versabantur et cum effeminatis sacrificabant et populus non intellegens vapulabit

vul@Hosea:4:15 @ si fornicaris tu Israhel non delinquat saltim Iuda et nolite ingredi in Galgala et ne ascenderitis in Bethaven neque iuraveritis vivit Dominus

vul@Hosea:4:16 @ quoniam sicut vacca lasciviens declinavit Israhel nunc pascet eos Dominus quasi agnum in latitudine

vul@Hosea:4:17 @ particeps idolorum Ephraim dimitte eum

vul@Hosea:4:18 @ separatum est convivium eorum fornicatione fornicati sunt dilexerunt adferre ignominiam protectores eius

vul@Hosea:4:19 @ ligavit spiritus eam in alis suis et confundentur a sacrificiis suis

Hosea 4