vul - 5

vul@Hosea:5:1 @ audite hoc sacerdotes et adtendite domus Israhel et domus regis auscultate quia vobis iudicium est quoniam laqueus facti estis speculationi et rete expansum super Thabor

vul@Hosea:5:2 @ et victimas declinastis in profundum et ego eruditor omnium eorum

vul@Hosea:5:3 @ ego scio Ephraim et Israhel non est absconditus a me quia nunc fornicatus est Ephraim contaminatus est Israhel

vul@Hosea:5:4 @ non dabunt cogitationes suas ut revertantur ad Dominum suum quia spiritus fornicationis in medio eorum et Dominum non cognoverunt

vul@Hosea:5:5 @ et respondebit arrogantia Israhel in facie eius et Israhel et Ephraim ruent in iniquitate sua ruet etiam Iudas cum eis

vul@Hosea:5:6 @ in gregibus suis et in armentis suis vadent ad quaerendum Dominum et non invenient ablatus est ab eis

vul@Hosea:5:7 @ in Domino praevaricati sunt quia filios alienos genuerunt nunc devorabit eos mensis cum partibus suis

vul@Hosea:5:8 @ clangite bucina in Gabaa tuba in Rama ululate in Bethaven post tergum tuum Beniamin

vul@Hosea:5:9 @ Ephraim in desolatione erit in die correptionis in tribubus Israhel ostendi fidem

vul@Hosea:5:10 @ facti sunt principes Iuda quasi adsumentes terminum super eos effundam quasi aquam iram meam

vul@Hosea:5:11 @ calumniam patiens Ephraim fractus iudicio quoniam coepit abire post sordem

vul@Hosea:5:12 @ et ego quasi tinea Ephraim et quasi putredo domui Iuda

vul@Hosea:5:13 @ et vidit Ephraim languorem suum et Iudas vinculum suum et abiit Ephraim ad Assur et misit ad regem ultorem et ipse non poterit sanare vos nec solvere poterit a vobis vinculum

vul@Hosea:5:14 @ quoniam ego quasi leaena Ephraim et quasi catulus leonis domui Iuda ego ego capiam et vadam tollam et non est qui eruat

vul@Hosea:5:15 @ vadens revertar ad locum meum donec deficiatis et quaeratis faciem meam

Hosea 5