vul - 8

vul@Hosea:8:1 @ in gutture tuo sit tuba quasi aquila super domum Domini pro eo quod transgressi sunt foedus meum et legem meam praevaricati sunt

vul@Hosea:8:2 @ me invocabunt Deus meus cognovimus te Israhel

vul@Hosea:8:3 @ proiecit Israhel bonum inimicus persequetur eum

vul@Hosea:8:4 @ ipsi regnaverunt et non ex me principes extiterunt et non cognovi argentum suum et aurum suum fecerunt sibi idola ut interirent

vul@Hosea:8:5 @ proiectus est vitulus tuus Samaria iratus est furor meus in eis usquequo non poterunt emundari

vul@Hosea:8:6 @ quia ex Israhel et ipse est artifex fecit illum et non est Deus quoniam in aranearum telas erit vitulus Samariae

vul@Hosea:8:7 @ quia ventum seminabunt et turbinem metent culmus stans non est in eis germen non faciet farinam quod si et fecerit alieni comedent eam

vul@Hosea:8:8 @ devoratus est Israhel nunc factus est in nationibus quasi vas inmundum

vul@Hosea:8:9 @ quia ipsi ascenderunt ad Assur onager solitarius sibi Ephraim munera dederunt amatoribus

vul@Hosea:8:10 @ sed et cum mercede conduxerint nationes nunc congregabo eos et quiescent paulisper ab onere regis et principum

vul@Hosea:8:11 @ quia multiplicavit Ephraim altaria ad peccandum factae sunt ei arae in delictum

vul@Hosea:8:12 @ scribam ei multiplices leges meas quae velut alienae conputatae sunt

vul@Hosea:8:13 @ hostias adfer adfer immolabunt carnes et comedent Dominus non suscipiet eas nunc recordabitur iniquitatis eorum et visitabit peccata eorum ipsi in Aegyptum convertentur

vul@Hosea:8:14 @ et oblitus est Israhel factoris sui et aedificavit delubra et Iudas multiplicavit urbes munitas et mittam ignem in civitates eius et devorabit aedes illius

Hosea 8