vul - 9

vul@Hosea:9:1 @ noli laetari Israhel noli exultare sicut populi quia fornicatus es a Deo tuo dilexisti mercedem super omnes areas tritici

vul@Hosea:9:2 @ area et torcular non pascet eos et vinum mentietur eis

vul@Hosea:9:3 @ non habitabunt in terra Domini reversus est Ephraim Aegyptum et in Assyriis pollutum comedit

vul@Hosea:9:4 @ non libabunt Domino vinum et non placebunt ei sacrificia eorum quasi panis lugentium omnes qui comedunt eum contaminabuntur quia panis eorum animae ipsorum non intrabit in domum Domini

vul@Hosea:9:5 @ quid facietis in die sollemni in die festivitatis Domini

vul@Hosea:9:6 @ ecce enim profecti sunt a vastitate Aegyptus congregavit eos Memphis sepeliet eos desiderabile argenti eorum urtica hereditabit lappa in tabernaculis eorum

vul@Hosea:9:7 @ venerunt dies visitationis venerunt dies retributionis scitote Israhel stultum prophetam insanum virum spiritalem propter multitudinem iniquitatis tuae et multitudo amentiae

vul@Hosea:9:8 @ speculator Ephraim cum Deo meo propheta laqueus ruinae super omnes vias eius insania in domo Dei eius

vul@Hosea:9:9 @ profunde peccaverunt sicut in diebus Gabaa recordabitur iniquitatis eorum et visitabit peccata eorum

vul@Hosea:9:10 @ quasi uvas in deserto inveni Israhel quasi prima poma ficulneae in cacumine eius vidi patres eorum ipsi autem intraverunt ad Beelphegor et abalienati sunt in confusione et facti sunt abominabiles sicut ea quae dilexerunt

vul@Hosea:9:11 @ Ephraim quasi avis avolavit gloria eorum a partu et ab utero et a conceptu

vul@Hosea:9:12 @ quod si et enutrierint filios suos absque liberis eos faciam in hominibus sed et vae eis cum recessero ab eis

vul@Hosea:9:13 @ Ephraim ut vidi Tyrus erat fundata in pulchritudine et Ephraim educit ad interfectorem filios suos

vul@Hosea:9:14 @ da eis Domine quid dabis eis da eis vulvam sine liberis et ubera arentia

vul@Hosea:9:15 @ omnes nequitiae eorum in Galgal quia ibi exosos habui eos propter malitiam adinventionum eorum de domo mea eiciam eos non addam ut diligam eos omnes principes eorum recedentes

vul@Hosea:9:16 @ percussus est Ephraim radix eorum exsiccata est fructum nequaquam facient quod si et genuerint interficiam amantissima uteri eorum

vul@Hosea:9:17 @ abiciet eos Deus meus quia non audierunt eum et erunt vagi in nationibus

Hosea 9