Isaiah 40
nlxx@Isaiah:40:1 @ παρακαλειτε παρακαλειτε τον λαον μου λεγει ο θεος
nlxx@Isaiah:40:2 @ ιερεις λαλησατε εις την καρδιαν ιερουσαλημ παρακαλεσατε αυτην οτι επλησθη η ταπεινωσις αυτης λελυται αυτης η αμαρτια οτι εδεξατο εκ χειρος κυριου διπλα τα αμαρτηματα αυτης
nlxx@Isaiah:40:3 @ φωνη βοωντος εν τη ερημω ετοιμασατε την οδον κυριου ευθειας ποιειτε τας τριβους του θεου ημων
nlxx@Isaiah:40:4 @ πασα φαραγξ πληρωθησεται και παν ορος και βουνος ταπεινωθησεται και εσται παντα τα σκολια εις ευθειαν και η τραχεια εις πεδια
nlxx@Isaiah:40:5 @ και οφθησεται η δοξα κυριου και οψεται πασα σαρξ το σωτηριον του θεου οτι κυριος ελαλησεν
nlxx@Isaiah:40:6 @ φωνη λεγοντος βοησον και ειπα τι βοησω πασα σαρξ χορτος και πασα δοξα ανθρωπου ως ανθος χορτου
nlxx@Isaiah:40:7 @ εξηρανθη ο χορτος και το ανθος εξεπεσεν
nlxx@Isaiah:40:8 @ το δε ρημα του θεου ημων μενει εις τον αιωνα
nlxx@Isaiah:40:9 @ επ' ορος υψηλον αναβηθι ο ευαγγελιζομενος σιων υψωσον τη ισχυι την φωνην σου ο ευαγγελιζομενος ιερουσαλημ υψωσατε μη φοβεισθε ειπον ταις πολεσιν ιουδα ιδου ο θεος υμων
nlxx@Isaiah:40:10 @ ιδου κυριος μετα ισχυος ερχεται και ο βραχιων μετα κυριειας ιδου ο μισθος αυτου μετ' αυτου και το εργον εναντιον αυτου
nlxx@Isaiah:40:11 @ ως ποιμην ποιμανει το ποιμνιον αυτου και τω βραχιονι αυτου συναξει αρνας και εν γαστρι εχουσας παρακαλεσει
nlxx@Isaiah:40:12 @ τις εμετρησεν τη χειρι το υδωρ και τον ουρανον σπιθαμη και πασαν την γην δρακι τις εστησεν τα ορη σταθμω και τας ναπας ζυγω
nlxx@Isaiah:40:13 @ τις εγνω νουν κυριου και τις αυτου συμβουλος εγενετο ος συμβιβα αυτον
nlxx@Isaiah:40:14 @ η προς τινα συνεβουλευσατο και συνεβιβασεν αυτον η τις εδειξεν αυτω κρισιν η οδον συνεσεως τις εδειξεν αυτω
nlxx@Isaiah:40:15 @ ει παντα τα εθνη ως σταγων απο καδου και ως ροπη ζυγου ελογισθησαν και ως σιελος λογισθησονται
nlxx@Isaiah:40:16 @ ο δε λιβανος ουχ ικανος εις καυσιν και παντα τα τετραποδα ουχ ικανα εις ολοκαρπωσιν
nlxx@Isaiah:40:17 @ και παντα τα εθνη ως ουδεν εισι και εις ουθεν ελογισθησαν
nlxx@Isaiah:40:18 @ τινι ωμοιωσατε κυριον και τινι ομοιωματι ωμοιωσατε αυτον
nlxx@Isaiah:40:19 @ μη εικονα εποιησεν τεκτων η χρυσοχοος χωνευσας χρυσιον περιεχρυσωσεν αυτον ομοιωμα κατεσκευασεν αυτον
nlxx@Isaiah:40:20 @ ξυλον γαρ ασηπτον εκλεγεται τεκτων και σοφως ζητει πως στησει αυτου εικονα και ινα μη σαλευηται
nlxx@Isaiah:40:21 @ ου γνωσεσθε ουκ ακουσεσθε ουκ ανηγγελη εξ αρχης υμιν ουκ εγνωτε τα θεμελια της γης
nlxx@Isaiah:40:22 @ ο κατεχων τον γυρον της γης και οι ενοικουντες εν αυτη ως ακριδες ο στησας ως καμαραν τον ουρανον και διατεινας ως σκηνην κατοικειν
nlxx@Isaiah:40:23 @ ο διδους αρχοντας εις ουδεν αρχειν την δε γην ως ουδεν εποιησεν
nlxx@Isaiah:40:24 @ ου γαρ μη σπειρωσιν ουδε μη φυτευσωσιν ουδε μη ριζωθη εις την γην η ριζα αυτων επνευσεν επ' αυτους και εξηρανθησαν και καταιγις ως φρυγανα αναλημψεται αυτους
nlxx@Isaiah:40:25 @ νυν ουν τινι με ωμοιωσατε και υψωθησομαι ειπεν ο αγιος
nlxx@Isaiah:40:26 @ αναβλεψατε εις υψος τους οφθαλμους υμων και ιδετε τις κατεδειξεν παντα ταυτα ο εκφερων κατα αριθμον τον κοσμον αυτου παντας επ' ονοματι καλεσει απο πολλης δοξης και εν κρατει ισχυος ουδεν σε ελαθεν
nlxx@Isaiah:40:27 @ μη γαρ ειπης ιακωβ και τι ελαλησας ισραηλ απεκρυβη η οδος μου απο του θεου και ο θεος μου την κρισιν αφειλεν και απεστη
nlxx@Isaiah:40:28 @ και νυν ουκ εγνως ει μη ηκουσας θεος αιωνιος ο θεος ο κατασκευασας τα ακρα της γης ου πεινασει ουδε κοπιασει ουδε εστιν εξευρεσις της φρονησεως αυτου
nlxx@Isaiah:40:29 @ διδους τοις πεινωσιν ισχυν και τοις μη οδυνωμενοις λυπην
nlxx@Isaiah:40:30 @ πεινασουσιν γαρ νεωτεροι και κοπιασουσιν νεανισκοι και εκλεκτοι ανισχυες εσονται
nlxx@Isaiah:40:31 @ οι δε υπομενοντες τον θεον αλλαξουσιν ισχυν πτεροφυησουσιν ως αετοι δραμουνται και ου κοπιασουσιν βαδιουνται και ου πεινασουσιν