cebuano_ang_biblia_pinadayag

cebuano_ang_biblia_pinadayag@Isaiah:46:1 @ ¶ Si Bel nagayukbo, si Nebo nagaduko; ang ilang mga dios-dios anaa sa ibabaw sa mga mananap, ug sa ibabaw sa kahayupan: ang mga butang nga inyong ginadaladala nangahimong usa ka lulan, usa ka kabug-at sa gikapuyan nga.

cebuano_ang_biblia_pinadayag@Isaiah:46:2 @ Sila nanagduko, sila nanagyukbo sa tingub; sila dili makalikay sa lulan, apan ang ilang kaugalingon nangahimong mga binihag.

cebuano_ang_biblia_pinadayag@Isaiah:46:3 @ Patalinghug kanako, Oh balay ni Jacob, ug ang tanan nga salin sa balay sa Israel, kadtong nasapnay gikan sa ilang pagkatawo, kadtong naagakay gikan sa tagoangkan;

cebuano_ang_biblia_pinadayag@Isaiah:46:4 @ Ug bisan hangtud sa kagulangon ako mao siya, ug bisan hangtud nga ang buhok maubanon ako mosagakay: gibuhat ko na, ug akong pagasagakayon; oo, ako magadala, ug magaluwas.

cebuano_ang_biblia_pinadayag@Isaiah:46:5 @ ¶ Sa kang kinsa man ninyo ipanigingonako, ug magahimo kanako nga sama, ug itanding ako, aron nga kami magakasama?

cebuano_ang_biblia_pinadayag@Isaiah:46:6 @ Ingon sa nagausik sa bulawan gikan sa puntil, ug nagatimbang sa salapi sa timbangan, sila nagasuhol sa usa ka magsasalsal sa bulawan, ug siya nagahimo niini nga usa ka dios; sila nanaghapa, oo, sila nanagsimba.

cebuano_ang_biblia_pinadayag@Isaiah:46:7 @ Ila kini nga ginapas-on sa abaga, ila kini nga ginadala, ug ginapahimutang sa iyang dapit, ug kini nagatindog; gikan sa iyang dapit kini dili balhinon: oo, ang mosangpit niini apan dili kini makatubag, ni makaluwas kaniya gikan sa iyang kagul-anan.

cebuano_ang_biblia_pinadayag@Isaiah:46:8 @ Hinumdumi kini, ug magpakita kamo ingon nga mga lalake; ipasantop kini pag-usab sa hunahuna, Oh kamong mga malapason.

cebuano_ang_biblia_pinadayag@Isaiah:46:9 @ Hinumdumi ang unang mga butang sa karaan: kay ako mao ang Dios, ug wala nay lain; ako ang Dios, ug wala nay lain nga sama kanako;

cebuano_ang_biblia_pinadayag@Isaiah:46:10 @ Nga nagpasundayag sa katapusan gikan sa sinugdan, ug gikan sa karaang mga panahon mga butang nga wala mahimo; nga nagaingon: Ang akong tambag magapadayon, ug himoon ko ang tanan ko nga kahimut-an;

cebuano_ang_biblia_pinadayag@Isaiah:46:11 @ Nagatawag sa usa ka dumadagit nga langgam gikan sa silangan, ang tawo sa akong pagtambag gikan sa usa ka halayo nga yuta; oo, ako na nga gisulti, ako usab nga pagapahinaboon kini; ako nga gitinguha, ako usab nga pagahimoon.

cebuano_ang_biblia_pinadayag@Isaiah:46:12 @ Patalinghug kanako, kamong matig-a ug kasingkasing, nga mga halayo gikan sa pagkamatarung:

cebuano_ang_biblia_pinadayag@Isaiah:46:13 @ Ako nga ginadala sa haduol ang akong pagkamatarung, kini dili mahalayo, ug ang akong kaluwasan dili magalangan; ug ipahaluna ko ang kaluwasan diha sa Sion alang kang Israel nga akong himaya.

Isaiah 46