cebuano_ang_biblia_pinadayag

cebuano_ang_biblia_pinadayag@Jeremiah:19:1 @ ¶ Mao kini ang giingon ni Jehova: Lakaw, ug pumalit ka ug bodigos sa magkokolon, ug sa mga anciano sa katawohan ug sa mga anciano sa mga sacerdote;

cebuano_ang_biblia_pinadayag@Jeremiah:19:2 @ Ug umadto ka sa walog sa anak ni Hinnom, nga anaa sa pagsulod sa ganghaan sa Harsith, ug imantala didto ang mga pulong nga akong igaingon kanimo;

cebuano_ang_biblia_pinadayag@Jeremiah:19:3 @ Ug imingon: Pamati kamo sa pulong ni Jehova, Oh mga hari sa Juda, ug mga pumoluyo sa Jerusalem: Mao kini ang giingon ni Jehova sa mga panon, ang Dios sa Israel: Ania karon, ako magpadala ug kadaut ibabaw niining dapita, nga bisan kinsa nga mamati mosiyok ang iyang igdulungog.

cebuano_ang_biblia_pinadayag@Jeremiah:19:4 @ Tungod kay sila mingbiya kanako, ug mipahilayo niining dapita, ug nagsunog ug incienso niini alang sa mga laing dios nga wala nila hiilhi, sila ug ang ilang mga amahan ug ang mga hari sa Juda, ug kining dapita gipuno sa dugo sa mga inocente,

cebuano_ang_biblia_pinadayag@Jeremiah:19:5 @ Ug mingtukod sa mga hatag-as nga dapit ni Baal, aron sa pagsunog sa ilang mga anak nga lalake diha sa kalayo alang sa mga halad-nga-sinunog kang Baal; nga wala man nako isugo, ni kini maghisgut ako niini, ni misantop sa akong hunahuna:

cebuano_ang_biblia_pinadayag@Jeremiah:19:6 @ Busa, ania karon, ang mga adlaw miabut na, nagaingon si Jehova, nga kining dapita dili na pagatawgon nga Topheth, ni Ang walog sa anak ni Hinnom, kondili Ang walog nga Ihawan.

cebuano_ang_biblia_pinadayag@Jeremiah:19:7 @ Ug wad-on ko ang tambag sa Juda ug sa Jerusalem niining dapita; ug akong ipapukan sila sa pinuti sa atubangan sa ilang mga kaaway, ug sa kamot niadtong nanagpangita sa ilang kinabuhi: ug ang ilang mga minatay ihatag ko nga kalan-on sa kalanggaman sa kalangitan, ug sa kamananapan sa yuta.

cebuano_ang_biblia_pinadayag@Jeremiah:19:8 @ Ug kining ciudara himoon ko nga usa nga makapahibulong, ug pagasitsitan uban ang pagbiaybiay; ang tagsatagsa nga moagi niana mahibulong ug magasitsit uban ang pagbiaybiay tungod sa tanang mga hampak nga niana.

cebuano_ang_biblia_pinadayag@Jeremiah:19:9 @ Ug akong ipakaon kanila ang unod sa ilang mga anak nga lalake ug ang unod sa ilang mga anak nga babaye; ug sila managkaon ang tagsatagsa sa unod sa iyang higala, nga pagalibutan ug pagasakiton sa ilang mga kaaway, ug kadtong nanagpangita sa ilang kinabuhi managsakit kanila.

cebuano_ang_biblia_pinadayag@Jeremiah:19:10 @ ¶ Unya buakon mo ang bodigos sa atubangan sa mga tawo nga manguban kanimo.

cebuano_ang_biblia_pinadayag@Jeremiah:19:11 @ Ug moingon ka kanila: Mao kini ang giingon ni Jehova sa mga panon: Sa ingon niini dugmokon ko kini nga katawohan ug kining ciudara, sama sa usa nga nagadugmok sa kolon sa magkokolon nga dili na matibuok pag-usab: ug ilang ilubong sa Topheth, hangtud nga wala nay luna nga kalubngan.

cebuano_ang_biblia_pinadayag@Jeremiah:19:12 @ Mao kini ang pagabuhaton ko niining dapita, nagaingon si Jehova, ug sa mga pumoluyo niana, ug bisan pa ngani himoon ko kining ciudara nga sama sa Topheth:

cebuano_ang_biblia_pinadayag@Jeremiah:19:13 @ Ug ang mga balay sa Jerusalem, ug ang mga balay sa mga hari sa Juda, nga mga nahugawan, mamahimong sama sa dapit sa Topheth, bisan pa ang tanang mga balay sa kang kansang mga atop sila nanagsunog ug incienso alang sa tanang panon sa langit, ug nanagbubo ug mga halad-nga-ilimnon sa laing mga dios.

cebuano_ang_biblia_pinadayag@Jeremiah:19:14 @ Unya miabut si Jeremias gikan sa Topheth, diin si Jehova nagpaadto kaniya sa pagpanagna; ug siya mitindog sa sawang sa balay ni Jehova, ug miingon sa tibook katawohan:

cebuano_ang_biblia_pinadayag@Jeremiah:19:15 @ Mao kini ang giingon ni Jehova sa mga panon, ang Dios sa Israel: Ania karon, igapadala ko niining ciudara ug sa tanang mga lungsod niana, ang tanang kadautan nga gibungat ko batok kaniya; tungod kay gipatikig nila ang ilang mga liog, aron sila dili makadungog sa akong mga pulong.

Jeremiah 19