vul - 28

vul@Jeremiah:28:1 @ et factum est in anno illo in principio regni Sedeciae regis Iuda in anno quarto in mense quinto dixit ad me Ananias filius Azur propheta de Gabaon in domo Domini coram sacerdotibus et omni populo dicens

vul@Jeremiah:28:2 @ haec dicit Dominus exercituum Deus Israhel contrivi iugum regis Babylonis

vul@Jeremiah:28:3 @ adhuc duo anni dierum et ego referri faciam ad locum istum omnia vasa Domini quae tulit Nabuchodonosor rex Babylonis de loco isto et transtulit ea in Babylonem

vul@Jeremiah:28:4 @ et Iechoniam filium Ioachim regem Iuda et omnem transmigrationem Iudae qui ingressi sunt in Babylonem ego convertam ad locum istum ait Dominus conteram enim iugum regis Babylonis

vul@Jeremiah:28:5 @ et dixit Hieremias propheta ad Ananiam prophetam in oculis sacerdotum et in oculis omnis populi qui stabant in domo Domini

vul@Jeremiah:28:6 @ et ait Hieremias propheta amen sic faciat Dominus suscitet Dominus verba tua quae prophetasti ut referantur vasa in domum Domini et omnis transmigratio de Babylone ad locum istum

vul@Jeremiah:28:7 @ verumtamen audi verbum hoc quod ego loquor in auribus tuis et in auribus universi populi

vul@Jeremiah:28:8 @ prophetae qui fuerunt ante me et te ab initio et prophetaverunt super terras multas et super regna magna de proelio et de adflictione et de fame

vul@Jeremiah:28:9 @ propheta qui vaticinatus est pacem cum venerit verbum eius scietur propheta quem misit Dominus in veritate

vul@Jeremiah:28:10 @ et tulit Ananias propheta catenam de collo Hieremiae prophetae et confregit eam

vul@Jeremiah:28:11 @ et ait Ananias in conspectu omnis populi dicens haec dicit Dominus sic confringam iugum Nabuchodonosor regis Babylonis post duos annos dierum de collo omnium gentium

vul@Jeremiah:28:12 @ et abiit Hieremias prophetes in viam suam et factum est verbum Domini ad Hieremiam postquam confregit Ananias propheta catenam de collo Hieremiae prophetae dicens

vul@Jeremiah:28:13 @ vade et dices Ananiae haec dicit Dominus catenas ligneas contrivisti et facies pro eis catenas ferreas

vul@Jeremiah:28:14 @ quia haec dicit Dominus exercituum Deus Israhel iugum ferreum posui super collum cunctarum gentium istarum ut serviant Nabuchodonosor regi Babylonis et servient ei insuper et bestias terrae dedi ei

vul@Jeremiah:28:15 @ et dixit Hieremias propheta ad Ananiam prophetam audi Anania non misit te Dominus et tu confidere fecisti populum istum in mendacio

vul@Jeremiah:28:16 @ idcirco haec dicit Dominus ecce emittam te a facie terrae hoc anno morieris adversum Dominum enim locutus es

vul@Jeremiah:28:17 @ et mortuus est Ananias propheta in anno illo mense septimo

Jeremiah 28