vul - 33

vul@Jeremiah:33:1 @ et factum est verbum Domini ad Hieremiam secundo cum adhuc clausus esset in atrio carceris dicens

vul@Jeremiah:33:2 @ haec dicit Dominus qui facturus est Dominus et formaturus illud et paraturus Dominus nomen eius

vul@Jeremiah:33:3 @ clama ad me et exaudiam te et adnuntiabo tibi grandia et firma quae nescis

vul@Jeremiah:33:4 @ quia haec dicit Dominus Deus Israhel ad domos urbis huius et ad domos regis Iuda quae destructae sunt et ad munitiones et gladium

vul@Jeremiah:33:5 @ venientium ut dimicent cum Chaldeis et impleant eas cadaveribus hominum quas percussi in furore meo et in indignatione mea abscondens faciem meam a civitate hac propter omnem malitiam eorum

vul@Jeremiah:33:6 @ ecce ego obducam ei cicatricem et sanitatem et curabo eos et revelabo illis deprecationem pacis et veritatis

vul@Jeremiah:33:7 @ et convertam conversionem Iuda et conversionem Hierusalem et aedificabo eos sicut a principio

vul@Jeremiah:33:8 @ et emundabo illos ab omni iniquitate sua in qua peccaverunt mihi et propitius ero cunctis iniquitatibus eorum in quibus deliquerunt mihi et spreverunt me

vul@Jeremiah:33:9 @ et erit mihi in nomen et in gaudium et in laudem et in exultationem cunctis gentibus terrae quae audierint omnia bona quae ego facturus sum eis et pavebunt et turbabuntur in universis bonis et in omni pace quam ego faciam ei

vul@Jeremiah:33:10 @ haec dicit Dominus adhuc audietur in loco isto quem vos dicitis esse desertum eo quod non sit homo et iumentum in civitatibus Iuda et foris Hierusalem quae desolatae sunt absque homine et absque habitatore et absque pecore

vul@Jeremiah:33:11 @ vox gaudii et vox laetitiae vox sponsi et vox sponsae vox dicentium confitemini Domino exercituum quoniam bonus Dominus quoniam in aeternum misericordia eius et portantium vota in domum Domini reducam enim conversionem terrae sicut a principio dicit Dominus

vul@Jeremiah:33:12 @ haec dicit Dominus exercituum adhuc erit in loco isto deserto absque homine et absque iumento et in cunctis civitatibus eius habitaculum pastorum accubantium gregum

vul@Jeremiah:33:13 @ in civitatibus montuosis et in civitatibus campestribus et in civitatibus quae ad austrum sunt et in terra Beniamin et in circuitu Hierusalem et in civitatibus Iuda adhuc transibunt greges ad manum numerantis ait Dominus

vul@Jeremiah:33:14 @ ecce dies veniunt dicit Dominus et suscitabo verbum bonum quod locutus sum ad domum Israhel et ad domum Iuda

vul@Jeremiah:33:15 @ in diebus illis et in tempore illo germinare faciam David germen iustitiae et faciet iudicium et iustitiam in terra

vul@Jeremiah:33:16 @ in diebus illis salvabitur Iuda et Hierusalem habitabit confidenter et hoc est quod vocabit eam Dominus iustus noster

vul@Jeremiah:33:17 @ quia haec dicit Dominus non interibit de David vir qui sedeat super thronum domus Israhel

vul@Jeremiah:33:18 @ et de sacerdotibus et Levitis non interibit vir a facie mea qui offerat holocaustomata et incendat sacrificium et caedat victimas cunctis diebus

vul@Jeremiah:33:19 @ et factum est verbum Domini ad Hieremiam dicens

vul@Jeremiah:33:20 @ haec dicit Dominus si irritum fieri potest pactum meum cum die et pactum meum cum nocte ut non sit dies et nox in tempore suo

vul@Jeremiah:33:21 @ et pactum meum irritum esse poterit cum David servo meo ut non sit ex eo filius qui regnet in throno eius et Levitae et sacerdotes ministri mei

vul@Jeremiah:33:22 @ sicuti numerari non possunt stellae caeli et metiri harena maris sic multiplicabo semen David servi mei et Levitas ministros meos

vul@Jeremiah:33:23 @ et factum est verbum Domini ad Hieremiam dicens

vul@Jeremiah:33:24 @ numquid non vidisti quid populus hic locutus sit dicens duae cognationes quas elegerat Dominus abiectae sunt et populum meum despexerunt eo quod non sit ultra gens coram eis

vul@Jeremiah:33:25 @ haec dicit Dominus si pactum meum inter diem et noctem et leges caelo et terrae non posui

vul@Jeremiah:33:26 @ equidem et semen Iacob et David servi mei proiciam ut non adsumam de semine eius principes seminis Abraham et Isaac et Iacob reducam enim conversionem eorum et miserebor eis

Jeremiah 33