vul - 48

vul@Jeremiah:48:1 @ ad Moab haec dicit Dominus exercituum Deus Israhel vae super Nabo quoniam vastata est et confusa capta est Cariathaim confusa est fortis et tremuit

vul@Jeremiah:48:2 @ non est ultra exultatio in Moab contra Esebon cogitaverunt malum venite et disperdamus eam de gente ergo silens conticesces sequeturque te gladius

vul@Jeremiah:48:3 @ vox clamoris de Oronaim vastitas et contritio magna

vul@Jeremiah:48:4 @ contrita est Moab adnuntiate clamorem parvulis eius

vul@Jeremiah:48:5 @ per ascensum enim Luaith plorans ascendet in fletu quoniam in descensu Oronaim hostes ululatum contritionis audierunt

vul@Jeremiah:48:6 @ fugite salvate animas vestras et eritis quasi myrice in deserto

vul@Jeremiah:48:7 @ pro eo enim quod habuisti fiduciam in munitionibus tuis et in thesauris tuis tu quoque capieris et ibit Chamos in transmigrationem sacerdotes eius et principes eius simul

vul@Jeremiah:48:8 @ et veniet praedo ad omnem urbem et urbs nulla salvabitur et peribit vallis et dissipabuntur campestria quoniam dixit Dominus

vul@Jeremiah:48:9 @ date florem Moab quia floriens egredietur et civitates eius desertae erunt et inhabitabiles

vul@Jeremiah:48:10 @ maledictus qui facit opus Domini fraudulenter et maledictus qui prohibet gladium suum a sanguine

vul@Jeremiah:48:11 @ fertilis fuit Moab ab adulescentia sua et requievit in fecibus suis nec transfusus est de vase in vas et in transmigrationem non abiit idcirco permansit gustus eius in eo et odor eius non est inmutatus

vul@Jeremiah:48:12 @ propterea ecce dies veniunt dicit Dominus et mittam ei ordinatores et stratores laguncularum et sternent eum et vasa eius exhaurient et lagoenas eorum conlident

vul@Jeremiah:48:13 @ et confundetur Moab a Chamos sicut confusa est domus Israhel a Bethel in qua habebat fiduciam

vul@Jeremiah:48:14 @ quomodo dicitis fortes sumus et viri robusti ad proeliandum

vul@Jeremiah:48:15 @ vastata est Moab et civitates illius ascenderunt et electi iuvenes eius descenderunt in occisionem ait Rex Dominus exercituum nomen ei

vul@Jeremiah:48:16 @ prope est interitus Moab ut veniat et malum eius velociter adcurret nimis

vul@Jeremiah:48:17 @ consolamini eum omnes qui estis in circuitu eius et universi qui scitis nomen eius dicite quomodo confracta est virga fortis baculus gloriosus

vul@Jeremiah:48:18 @ descende de gloria et sede in siti habitatio filiae Dibon quoniam vastator Moab ascendet ad te dissipabit munitiones tuas

vul@Jeremiah:48:19 @ in via sta et prospice habitatio Aroer interroga fugientem et eum qui evasit dic quid accidit

vul@Jeremiah:48:20 @ confusus est Moab quoniam victus est ululate et clamate adnuntiate in Arnon quoniam vastata est Moab

vul@Jeremiah:48:21 @ et iudicium venit ad terram campestrem super Helon et super Iaesa et super Mefath

vul@Jeremiah:48:22 @ et super Dibon et super Nabo et super domum Deblathaim

vul@Jeremiah:48:23 @ et super Cariathaim et super Bethgamul et super Bethmaon

vul@Jeremiah:48:24 @ et super Carioth et super Bosra et super omnes civitates terrae Moab quae longe et quae prope sunt

vul@Jeremiah:48:25 @ abscisum est cornu Moab et brachium eius contritum est ait Dominus

vul@Jeremiah:48:26 @ inebriate eum quoniam contra Dominum erectus est et adlidet manum Moab in vomitu suo et erit in derisum etiam ipse

vul@Jeremiah:48:27 @ fuit enim in derisum tibi Israhel quasi inter fures repperisses eum propter verba ergo tua quae adversum illum locutus es captivus duceris

vul@Jeremiah:48:28 @ relinquite civitates et habitate in petra habitatores Moab et estote quasi columba nidificans in summo ore foraminis

vul@Jeremiah:48:29 @ audivimus superbiam Moab superbus est valde sublimitatem eius et arrogantiam et superbiam et altitudinem cordis illius

vul@Jeremiah:48:30 @ ego scio ait Dominus iactantiam eius et quod non sit iuxta eam virtus eius nec iuxta quod poterat conata sit facere

vul@Jeremiah:48:31 @ ideo super Moab heiulabo et ad Moab universam clamabo ad viros muri fictilis lamentantes

vul@Jeremiah:48:32 @ de planctu Iazer plorabo tibi vinea Sobema propagines tuae transierunt mare usque ad mare Iazer pervenerunt super messem tuam et vindemiam tuam praedo inruit

vul@Jeremiah:48:33 @ ablata est laetitia et exultatio de Carmelo et de terra Moab et vinum de torcularibus sustuli nequaquam calcator uvae solitum celeuma cantabit

vul@Jeremiah:48:34 @ de clamore Esebon usque Eleale et Iaesa dederunt vocem suam a Segor usque ad Oronaim vitula conternante aquae quoque Namrim pessimae erunt

vul@Jeremiah:48:35 @ et auferam de Moab ait Dominus offerentem in excelsis et sacrificantem diis eius

vul@Jeremiah:48:36 @ propterea cor meum ad Moab quasi tibiae resonabit et cor meum ad viros muri fictilis dabit sonitum tibiarum quia plus fecit quam potuit idcirco perierunt

vul@Jeremiah:48:37 @ omne enim caput calvitium et omnis barba rasa erit in cunctis manibus conligatio et super omne dorsum cilicium

vul@Jeremiah:48:38 @ super omnia tecta Moab et in plateis eius omnis planctus quia contrivi Moab sicut vas inutile ait Dominus

vul@Jeremiah:48:39 @ quomodo victa est et ululaverunt quomodo deiecit cervicem Moab et confusus est eritque Moab in derisum et in exemplum omnibus in circuitu suo

vul@Jeremiah:48:40 @ haec dicit Dominus ecce quasi aquila evolabit et extendet alas suas ad Moab

vul@Jeremiah:48:41 @ capta est Carioth et munitiones conprehensae sunt et erit cor fortium Moab in die illa sicut cor mulieris parturientis

vul@Jeremiah:48:42 @ et cessabit Moab esse populus quoniam contra Dominum gloriatus est

vul@Jeremiah:48:43 @ pavor et fovea et laqueus super te o habitator Moab ait Dominus

vul@Jeremiah:48:44 @ qui fugit a facie pavoris cadet in foveam et qui conscenderit de fovea capietur laqueo adducam enim super Moab annum visitationis eorum dicit Dominus

vul@Jeremiah:48:45 @ in umbra Esebon steterunt de laqueo fugientes quia ignis egressus est de Esebon et flamma de medio Seon et devorabit partem Moab et verticem filiorum tumultus

vul@Jeremiah:48:46 @ vae tibi Moab peristi popule Chamos quia conprehensi sunt filii tui et filiae tuae in captivitatem

vul@Jeremiah:48:47 @ et convertam captivitatem Moab in novissimis diebus ait Dominus hucusque iudicia Moab

Seeker Overlay: Off On

Bible:
Bible:
Book:

Jeremiah 48