vul - 21

vul@Job:21:1 @ respondens autem Iob dixit

vul@Job:21:2 @ audite quaeso sermones meos et agetis paenitentiam

vul@Job:21:3 @ sustinete me ut et ego loquar et post mea si videbitur verba ridete

vul@Job:21:4 @ numquid contra hominem disputatio mea est ut merito non debeam contristari

vul@Job:21:5 @ adtendite me et obstupescite et superponite digitum ori vestro

vul@Job:21:6 @ et ego quando recordatus fuero pertimesco et concutit carnem meam tremor

vul@Job:21:7 @ quare ergo impii vivunt sublevati sunt confortatique divitiis

vul@Job:21:8 @ semen eorum permanet coram eis propinquorum turba et nepotum in conspectu eorum

vul@Job:21:9 @ domus eorum securae sunt et pacatae et non est virga Dei super illos

vul@Job:21:10 @ bos eorum concepit et non abortit vacca peperit et non est privata fetu suo

vul@Job:21:11 @ egrediuntur quasi greges parvuli eorum et infantes eorum exultant lusibus

vul@Job:21:12 @ tenent tympanum et citharam et gaudent ad sonitum organi

vul@Job:21:13 @ ducunt in bonis dies suos et in puncto ad inferna descendunt

vul@Job:21:14 @ qui dixerunt Deo recede a nobis et scientiam viarum tuarum nolumus

vul@Job:21:15 @ quid est Omnipotens ut serviamus ei et quid nobis prodest si oraverimus illum

vul@Job:21:16 @ verumtamen quia non sunt in manu eorum bona sua consilium impiorum longe sit a me

vul@Job:21:17 @ quotiens lucerna impiorum extinguetur et superveniet eis inundatio et dolores dividet furoris sui

vul@Job:21:18 @ erunt sicut paleae ante faciem venti et sicut favilla quam turbo dispergit

vul@Job:21:19 @ Deus servabit filiis illius dolorem patris et cum reddiderit tunc sciet

vul@Job:21:20 @ videbunt oculi eius interfectionem suam et de furore Omnipotentis bibet

vul@Job:21:21 @ quid enim ad eum pertinet de domo sua post se et si numerus mensuum eius dimidietur

vul@Job:21:22 @ numquid Deum quispiam docebit scientiam qui excelsos iudicat

vul@Job:21:23 @ iste moritur robustus et sanus dives et felix

vul@Job:21:24 @ viscera eius plena sunt adipe et medullis ossa illius inrigantur

vul@Job:21:25 @ alius vero moritur in amaritudine animae absque ullis opibus

vul@Job:21:26 @ et tamen simul in pulverem dormient et vermes operient eos

vul@Job:21:27 @ certe novi cogitationes vestras et sententias contra me iniquas

vul@Job:21:28 @ dicitis enim ubi est domus principis et ubi tabernacula impiorum

vul@Job:21:29 @ interrogate quemlibet de viatoribus et haec eadem eum intellegere cognoscetis

vul@Job:21:30 @ quia in diem perditionis servabitur malus et ad diem furoris ducitur

vul@Job:21:31 @ quis arguet coram eo viam eius et quae fecit quis reddet illi

vul@Job:21:32 @ ipse ad sepulchra ducetur et in congerie mortuorum vigilabit

vul@Job:21:33 @ dulcis fuit glareis Cocyti et post se omnem hominem trahet et ante se innumerabiles

vul@Job:21:34 @ quomodo igitur consolamini me frustra cum responsio vestra repugnare ostensa sit veritati

Job 21