sept - 31

sept@Job:31:1 @ διαθηκην εθεμην τοις οφθαλμοις μου και ου συνησω επι παρθενον

sept@Job:31:2 @ και τι εμερισεν ο θεος απανωθεν και κληρονομια ικανου εξ υψιστων

sept@Job:31:3 @ ουχι απωλεια τω αδικω και απαλλοτριωσις τοις ποιουσιν ανομιαν

sept@Job:31:4 @ ουχι αυτος οψεται οδον μου και παντα τα διαβηματα μου εξαριθμησεται

sept@Job:31:5 @ ει δε ημην πεπορευμενος μετα γελοιαστων ει δε και εσπουδασεν ο πους μου εις δολον

sept@Job:31:6 @ ισταιη με αρα εν ζυγω δικαιω οιδεν δε ο κυριος την ακακιαν μου

sept@Job:31:7 @ ει εξεκλινεν ο πους μου εκ της οδου ει δε και τω οφθαλμω επηκολουθησεν η καρδια μου ει δε και ταις χερσιν μου ηψαμην δωρων

sept@Job:31:8 @ σπειραιμι αρα και αλλοι φαγοισαν αρριζος δε γενοιμην επι γης

sept@Job:31:9 @ ει εξηκολουθησεν η καρδια μου γυναικι ανδρος ετερου ει και εγκαθετος εγενομην επι θυραις αυτης

sept@Job:31:10 @ αρεσαι αρα και η γυνη μου ετερω τα δε νηπια μου ταπεινωθειη

sept@Job:31:11 @ θυμος γαρ οργης ακατασχετος το μιαναι ανδρος γυναικα

sept@Job:31:12 @ πυρ γαρ εστιν καιομενον επι παντων των μερων ου δ' αν επελθη εκ ριζων απωλεσεν

sept@Job:31:13 @ ει δε και εφαυλισα κριμα θεραποντος μου η θεραπαινης κρινομενων αυτων προς με

sept@Job:31:14 @ τι γαρ ποιησω εαν ετασιν μου ποιησηται ο κυριος εαν δε και επισκοπην τινα αποκρισιν ποιησομαι

sept@Job:31:15 @ ποτερον ουχ ως και εγω εγενομην εν γαστρι και εκεινοι γεγονασιν γεγοναμεν δε εν τη αυτη κοιλια

sept@Job:31:16 @ αδυνατοι δε χρειαν ην ποτ' ειχον ουκ απετυχον χηρας δε τον οφθαλμον ουκ εξετηξα

sept@Job:31:17 @ ει δε και τον ψωμον μου εφαγον μονος και ουχι ορφανω μετεδωκα

sept@Job:31:18 @ οτι εκ νεοτητος μου εξετρεφον ως πατηρ και εκ γαστρος μητρος μου ωδηγησα

sept@Job:31:19 @ ει δε και υπερειδον γυμνον απολλυμενον και ουκ ημφιασα

sept@Job:31:20 @ αδυνατοι δε ει μη ευλογησαν με απο δε κουρας αμνων μου εθερμανθησαν οι ωμοι αυτων

sept@Job:31:21 @ ει επηρα ορφανω χειρα πεποιθως οτι πολλη μοι βοηθεια περιεστιν

sept@Job:31:22 @ αποσταιη αρα ο ωμος μου απο της κλειδος ο δε βραχιων μου απο του αγκωνος μου συντριβειη

sept@Job:31:23 @ φοβος γαρ κυριου συνεσχεν με και απο του λημματος αυτου ουχ υποισω

sept@Job:31:24 @ ει εταξα χρυσιον ισχυν μου ει δε και λιθω πολυτελει επεποιθησα

sept@Job:31:25 @ ει δε και ευφρανθην πολλου πλουτου μοι γενομενου ει δε και επ' αναριθμητοις εθεμην χειρα μου

sept@Job:31:26 @ η ουχ ορω μεν ηλιον τον επιφαυσκοντα εκλειποντα σεληνην δε φθινουσαν ου γαρ επ' αυτοις εστιν

sept@Job:31:27 @ και ει ηπατηθη λαθρα η καρδια μου ει δε και χειρα μου επιθεις επι στοματι μου εφιλησα

sept@Job:31:28 @ και τουτο μοι αρα ανομια η μεγιστη λογισθειη οτι εψευσαμην εναντιον κυριου του υψιστου

sept@Job:31:29 @ ει δε και επιχαρης εγενομην πτωματι εχθρων μου και ειπεν η καρδια μου ευγε

sept@Job:31:30 @ ακουσαι αρα το ους μου την καταραν μου θρυληθειην δε αρα υπο λαου μου κακουμενος

sept@Job:31:31 @ ει δε και πολλακις ειπον αι θεραπαιναι μου τις αν δωη ημιν των σαρκων αυτου πλησθηναι λιαν μου χρηστου οντος

sept@Job:31:32 @ εξω δε ουκ ηυλιζετο ξενος η δε θυρα μου παντι ελθοντι ανεωκτο

sept@Job:31:33 @ ει δε και αμαρτων ακουσιως εκρυψα την αμαρτιαν μου

sept@Job:31:34 @ ου γαρ διετραπην πολυοχλιαν πληθους του μη εξαγορευσαι ενωπιον αυτων ει δε και ειασα αδυνατον εξελθειν θυραν μου κολπω κενω

sept@Job:31:35 @ τις δωη ακουοντα μου χειρα δε κυριου ει μη εδεδοικειν συγγραφην δε ην ειχον κατα τινος

sept@Job:31:36 @ επ' ωμοις αν περιθεμενος στεφανον ανεγινωσκον

sept@Job:31:37 @ και ει μη ρηξας αυτην απεδωκα ουθεν λαβων παρα χρεοφειλετου

sept@Job:31:38 @ ει επ' εμοι ποτε η γη εστεναξεν ει δε και οι αυλακες αυτης εκλαυσαν ομοθυμαδον

sept@Job:31:39 @ ει δε και την ισχυν αυτης εφαγον μονος ανευ τιμης ει δε και ψυχην κυριου της γης εκβαλων ελυπησα

sept@Job:31:40 @ αντι πυρου αρα εξελθοι μοι κνιδη αντι δε κριθης βατος και επαυσατο ιωβ ρημασιν

Seeker Overlay: Off On

Bible:
Bible:
Book:

Job 31