sept - 32

sept@Job:32:1 @ ησυχασαν δε και οι τρεις φιλοι αυτου ετι αντειπειν ιωβ ην γαρ ιωβ δικαιος εναντιον αυτων

sept@Job:32:2 @ ωργισθη δε ελιους ο του βαραχιηλ ο βουζιτης εκ της συγγενειας ραμ της αυσιτιδος χωρας ωργισθη δε τω ιωβ σφοδρα διοτι απεφηνεν εαυτον δικαιον εναντιον κυριου

sept@Job:32:3 @ και κατα των τριων δε φιλων ωργισθη σφοδρα διοτι ουκ ηδυνηθησαν αποκριθηναι αντιθετα ιωβ και εθεντο αυτον ειναι ασεβη

sept@Job:32:4 @ ελιους δε υπεμεινεν δουναι αποκρισιν ιωβ οτι πρεσβυτεροι αυτου εισιν ημεραις

sept@Job:32:5 @ και ειδεν ελιους οτι ουκ εστιν αποκρισις εν στοματι των τριων ανδρων και εθυμωθη οργη αυτου

sept@Job:32:6 @ υπολαβων δε ελιους ο του βαραχιηλ ο βουζιτης ειπεν νεωτερος μεν ειμι τω χρονω υμεις δε εστε πρεσβυτεροι διο ησυχασα φοβηθεις του υμιν αναγγειλαι την εμαυτου επιστημην

sept@Job:32:7 @ ειπα δε οτι ο χρονος εστιν ο λαλων εν πολλοις δε ετεσιν οιδασιν σοφιαν

sept@Job:32:8 @ αλλα πνευμα εστιν εν βροτοις πνοη δε παντοκρατορος εστιν η διδασκουσα

sept@Job:32:9 @ ουχ οι πολυχρονιοι εισιν σοφοι ουδ' οι γεροντες οιδασιν κριμα

sept@Job:32:10 @ διο ειπα ακουσατε μου και αναγγελω υμιν α οιδα

sept@Job:32:11 @ ενωτιζεσθε μου τα ρηματα ερω γαρ υμων ακουοντων αχρι ου ετασητε λογους

sept@Job:32:12 @ και μεχρι υμων συνησω και ιδου ουκ ην τω ιωβ ελεγχων ανταποκρινομενος ρηματα αυτου εξ υμων

sept@Job:32:13 @ ινα μη ειπητε ευρομεν σοφιαν κυριω προσθεμενοι

sept@Job:32:14 @ ανθρωπω δε επετρεψατε λαλησαι τοιαυτα ρηματα

sept@Job:32:15 @ επτοηθησαν ουκ απεκριθησαν ετι επαλαιωσαν εξ αυτων λογους

sept@Job:32:16 @ υπεμεινα ου γαρ ελαλησαν οτι εστησαν ουκ απεκριθησαν

sept@Job:32:17 @ υπολαβων δε ελιους λεγει

sept@Job:32:18 @ παλιν λαλησω πληρης γαρ ειμι ρηματων ολεκει γαρ με το πνευμα της γαστρος

sept@Job:32:19 @ η δε γαστηρ μου ωσπερ ασκος γλευκους ζεων δεδεμενος η ωσπερ φυσητηρ χαλκεως ερρηγως

sept@Job:32:20 @ λαλησω ινα αναπαυσωμαι ανοιξας τα χειλη

sept@Job:32:21 @ ανθρωπον γαρ ου μη αισχυνθω αλλα μην ουδε βροτον ου μη εντραπω

sept@Job:32:22 @ ου γαρ επισταμαι θαυμασαι προσωπον ει δε μη και εμε σητες εδονται

Job 32