cebuano_ang_biblia_pinadayag

cebuano_ang_biblia_pinadayag@Job:38:1 @ ¶ Unya si Jehova mitubag kang Job gikan sa alimpulos, ug miingon:

cebuano_ang_biblia_pinadayag@Job:38:2 @ Kinsa kini nga nagangitngit sa tambag Pinaagi sa mga pulong nga walay kahibalo?

cebuano_ang_biblia_pinadayag@Job:38:3 @ Baksan mo karon ang imong hawak ingon nga usa ka tawo; Kay pangutan-on ko ikaw karon, ug tubagon mo ako.

cebuano_ang_biblia_pinadayag@Job:38:4 @ ¶ Diin ka man sa pagtukod ko sa kalibutan? Sumulti ka, kong daw anaay imong salabutan.

cebuano_ang_biblia_pinadayag@Job:38:5 @ Kinsa ang nagbuot sa gidak-on niini, kong ikaw nasayud man ugaling? Kun kinsa ba ang nagabitad sa pasul sa ibabaw niana?

cebuano_ang_biblia_pinadayag@Job:38:6 @ Unsa ba ang gihimong patukoranan niini? Kun kinsa ba ang nagapahaluna sa pamag-ang niana,

cebuano_ang_biblia_pinadayag@Job:38:7 @ Sa nagakadungan pag-awit ang mga bitoon sa kabuntagon, Ug ang tanang mga anak sa Dios nagkaduyog sa pagsinggit sa kalipay?

cebuano_ang_biblia_pinadayag@Job:38:8 @ Kun ba ang nagtak-um sa mga pultahan sa dagat, Sa nabukas kini, nagagula gikan sa taguangkan;

cebuano_ang_biblia_pinadayag@Job:38:9 @ Sa gihimo nako ang panganod nga maoy bisti niana, Ug ang dagkung kangitngit maoy bakbak niana,

cebuano_ang_biblia_pinadayag@Job:38:10 @ Ug sa gipahamutang nako niini ang akong utlanan, Ug gipahaluna ang mga rehas ug mga pultahan,

cebuano_ang_biblia_pinadayag@Job:38:11 @ Ug nag-ingon: Kutob ra dinhi ang imong kadangatan, apan dili na molabaw; Ug anhi ra dinhi ang pagapuyan sa imong mga balod nga mapahitas-on!

cebuano_ang_biblia_pinadayag@Job:38:12 @ ¶ Nakagsugo ka ba sa kabuntagon sukad sa sa imong mga adlaw, Ug gikatultulan mo ba ang kaadlawon sa iyang pinuy-anan;

cebuano_ang_biblia_pinadayag@Job:38:13 @ Aron kini makaghupot sa mga kinatumyan sa yuta, Ug mauyog niana ang mga tawong dautan?

cebuano_ang_biblia_pinadayag@Job:38:14 @ Kini nabalhin ingon sa yanang sa ilalum sa patikan; Ug ang nahiluna sama sa usa ka bisti:

cebuano_ang_biblia_pinadayag@Job:38:15 @ Ug gikan sa mga tawong dautan ang ilang mga suga gipanguha, Ug ang taas nga bukton naputol.

cebuano_ang_biblia_pinadayag@Job:38:16 @ Nakaadto ka ba sa mga tubod sa ilalum sa dagat? Kun nakalakaw ka ba sa luklukanan sa kahiladman?

cebuano_ang_biblia_pinadayag@Job:38:17 @ Gipadayag ba kanimo ang mga ganghaan sa kamatayon? Kun nakakita ka ba sa mga pultahan sa landong sa kamatayon?

cebuano_ang_biblia_pinadayag@Job:38:18 @ Nakita ba nimo ang tibook gilapdon sa yuta? Magpahayag ka, kong nasayud ka man ugaling niining tanan.

cebuano_ang_biblia_pinadayag@Job:38:19 @ Hain ba ang dalan padulong sa pinuy-anan sa kahayag? Ug mahatungod sa kangitngitan hain ba ang dapit niini,

cebuano_ang_biblia_pinadayag@Job:38:20 @ Aron kini madala mo sa iyag kinutoban, Ug aron makita mo ang agianan padulong sa balay niini?

cebuano_ang_biblia_pinadayag@Job:38:21 @ Sa, ikaw nahibalo, sanglit daan ka na man nga natawo, Ug daku may uyamut ang gidaghanon sa imong mga adlaw!

cebuano_ang_biblia_pinadayag@Job:38:22 @ Nakasulod ka ba sa kabahandian sa nieve, Kun nakita ba nimo ang mga kabahandian sa ulan-nga-yelo,

cebuano_ang_biblia_pinadayag@Job:38:23 @ Nga akong gitagana alang sa panahon sa kasamok, Alang sa adlaw sa gubat ug sa pakig-away?

cebuano_ang_biblia_pinadayag@Job:38:24 @ Hain ba ang dalan diin atua gibahin ang kahayag, Kun diin ang hangin nga timog ginasabwag sa ibabaw sa yuta?

cebuano_ang_biblia_pinadayag@Job:38:25 @ ¶ Kinsa ba ang nagkutkut ug kanal alang sa tubig nga mosalanap; Kun usa ka agianan alang sa kilat sa dalugdug;

cebuano_ang_biblia_pinadayag@Job:38:26 @ Sa pagpaulan niini sa yuta diin walay tawo nga nagpuyo; Didto sa kamingawan diin walay bisan usa ka tawo;

cebuano_ang_biblia_pinadayag@Job:38:27 @ Aron sa pagtagbaw sa awaaw ug sa biniyaan, Ug aron sa pagpatubo sa linghod nga balili?

cebuano_ang_biblia_pinadayag@Job:38:28 @ May amahan ba ang ulan? Kun kinsa ba ang nag-anak sa mga tulo sa yamog?

cebuano_ang_biblia_pinadayag@Job:38:29 @ Kang kinsa bang taguangkan naggikan ang yelo? Ug ang tun-og sa gabii sa langit nga maputi kinsa ba ang nag-anak niini?

cebuano_ang_biblia_pinadayag@Job:38:30 @ Ang katubigan mitago sa ilang kaugalingon ingon sa bato, Ug ang ibabaw sa kahiladman natibugol.

cebuano_ang_biblia_pinadayag@Job:38:31 @ Makabugkos ka ba sa mga pungpong sa mga Pleyades, Kun makabadbad ka ba sa mga gitagkos sa Orion?

cebuano_ang_biblia_pinadayag@Job:38:32 @ Makamando ka ba sa mga Mazaroth sa ilang panahon? Kun makadumala ka ba sa Oso ug sa iyang mga kakuyog?

cebuano_ang_biblia_pinadayag@Job:38:33 @ Nahibalo ka ba sa mga tulomanon sa mga langit? Makahimo ka ba sa pagtukod sa gingharian niini diha sa yuta?

cebuano_ang_biblia_pinadayag@Job:38:34 @ Makahimo ka ba sa pagpatugbaw sa imong tingog sa kapanganoran, Aron ang kadagaya sa tubig makalapaw kanimo?

cebuano_ang_biblia_pinadayag@Job:38:35 @ Makasugo ka ba sa mga kilat, aron sila manlakaw, Ug manag-ingon kanimo: Ania kami?

cebuano_ang_biblia_pinadayag@Job:38:36 @ Kinsa ba ang nagbutang ug kaalam sa kinasulorang bahin? Kun kinsa ba ang naghatag ug salabutan sa utok?

cebuano_ang_biblia_pinadayag@Job:38:37 @ Kinsa ba ang makaihap sa mga panganod pinaagi sa kaalam? Kun kinsa ba ang arang makabubo sa mga botella sa langit,

cebuano_ang_biblia_pinadayag@Job:38:38 @ Sa diha nga ang abug managkatapok, Ug ang tibugol sa yuta managkaipon?

cebuano_ang_biblia_pinadayag@Job:38:39 @ Makapangita ba ikaw sa tukbonon sa baye nga leon, Kun makatagbaw ka ba sa mga batan-ong leon,

cebuano_ang_biblia_pinadayag@Job:38:40 @ Sa diha nga sila nagalubog sa ilang mga lungib, Ug nanagpuyo sa mga langub aron sa pagbanhig?

cebuano_ang_biblia_pinadayag@Job:38:41 @ Kinsa ba ang nagaandam sa uwak sa iyang makaon, Sa diha nga ang iyang mga kuyabog nanagsangpit sa Dios, Ug nanghisalaag tungod sa kakulangan sa makaon?

Job 38