Job 38
sept@Job:38:1 @ μετα δε το παυσασθαι ελιουν της λεξεως ειπεν ο κυριος τω ιωβ δια λαιλαπος και νεφων
sept@Job:38:2 @ τις ουτος ο κρυπτων με βουλην συνεχων δε ρηματα εν καρδια εμε δε οιεται κρυπτειν
sept@Job:38:3 @ ζωσαι ωσπερ ανηρ την οσφυν σου ερωτησω δε σε συ δε μοι αποκριθητι
sept@Job:38:4 @ που ης εν τω θεμελιουν με την γην απαγγειλον δε μοι ει επιστη συνεσιν
sept@Job:38:5 @ τις εθετο τα μετρα αυτης ει οιδας η τις ο επαγαγων σπαρτιον επ' αυτης
sept@Job:38:6 @ επι τινος οι κρικοι αυτης πεπηγασιν τις δε εστιν ο βαλων λιθον γωνιαιον επ' αυτης
sept@Job:38:7 @ οτε εγενηθησαν αστρα ηνεσαν με φωνη μεγαλη παντες αγγελοι μου
sept@Job:38:8 @ εφραξα δε θαλασσαν πυλαις οτε εμαιμασσεν εκ κοιλιας μητρος αυτης εκπορευομενη
sept@Job:38:9 @ εθεμην δε αυτη νεφος αμφιασιν ομιχλη δε αυτην εσπαργανωσα
sept@Job:38:10 @ εθεμην δε αυτη ορια περιθεις κλειθρα και πυλας
sept@Job:38:11 @ ειπα δε αυτη μεχρι τουτου ελευση και ουχ υπερβηση αλλ' εν σεαυτη συντριβησεται σου τα κυματα
sept@Job:38:12 @ η επι σου συντεταχα φεγγος πρωινον εωσφορος δε ειδεν την εαυτου ταξιν
sept@Job:38:13 @ επιλαβεσθαι πτερυγων γης εκτιναξαι ασεβεις εξ αυτης
sept@Job:38:14 @ η συ λαβων γην πηλον επλασας ζωον και λαλητον αυτον εθου επι γης
sept@Job:38:15 @ αφειλας δε απο ασεβων το φως βραχιονα δε υπερηφανων συνετριψας
sept@Job:38:16 @ ηλθες δε επι πηγην θαλασσης εν δε ιχνεσιν αβυσσου περιεπατησας
sept@Job:38:17 @ ανοιγονται δε σοι φοβω πυλαι θανατου πυλωροι δε αδου ιδοντες σε επτηξαν
sept@Job:38:18 @ νενουθετησαι δε το ευρος της υπ' ουρανον αναγγειλον δη μοι ποση τις εστιν
sept@Job:38:19 @ ποια δε γη αυλιζεται το φως σκοτους δε ποιος ο τοπος
sept@Job:38:20 @ ει αγαγοις με εις ορια αυτων ει δε και επιστασαι τριβους αυτων
sept@Job:38:21 @ οιδα αρα οτι τοτε γεγεννησαι αριθμος δε ετων σου πολυς
sept@Job:38:22 @ ηλθες δε επι θησαυρους χιονος θησαυρους δε χαλαζης εορακας
sept@Job:38:23 @ αποκειται δε σοι εις ωραν εχθρων εις ημεραν πολεμου και μαχης
sept@Job:38:24 @ ποθεν δε εκπορευεται παχνη η διασκεδαννυται νοτος εις την υπ' ουρανον
sept@Job:38:25 @ τις δε ητοιμασεν υετω λαβρω ρυσιν οδον δε κυδοιμων
sept@Job:38:26 @ του υετισαι επι γην ου ουκ ανηρ ερημον ου ουχ υπαρχει ανθρωπος εν αυτη
sept@Job:38:27 @ του χορτασαι αβατον και αοικητον και του εκβλαστησαι εξοδον χλοης
sept@Job:38:28 @ τις εστιν υετου πατηρ τις δε εστιν ο τετοκως βωλους δροσου
sept@Job:38:29 @ εκ γαστρος δε τινος εκπορευεται ο κρυσταλλος παχνην δε εν ουρανω τις τετοκεν
sept@Job:38:30 @ η καταβαινει ωσπερ υδωρ ρεον προσωπον δε αβυσσου τις επηξεν
sept@Job:38:31 @ συνηκας δε δεσμον πλειαδος και φραγμον ωριωνος ηνοιξας
sept@Job:38:32 @ η διανοιξεις μαζουρωθ εν καιρω αυτου και εσπερον επι κομης αυτου αξεις αυτα
sept@Job:38:33 @ επιστασαι δε τροπας ουρανου η τα υπ' ουρανον ομοθυμαδον γινομενα
sept@Job:38:34 @ καλεσεις δε νεφος φωνη και τρομω υδατος λαβρω υπακουσεται σου
sept@Job:38:35 @ αποστελεις δε κεραυνους και πορευσονται ερουσιν δε σοι τι εστιν
sept@Job:38:36 @ τις δε εδωκεν γυναιξιν υφασματος σοφιαν η ποικιλτικην επιστημην
sept@Job:38:37 @ τις δε ο αριθμων νεφη σοφια ουρανον δε εις γην εκλινεν
sept@Job:38:38 @ κεχυται δε ωσπερ γη κονια κεκολληκα δε αυτον ωσπερ λιθω κυβον
sept@Job:38:39 @ θηρευσεις δε λεουσιν βοραν ψυχας δε δρακοντων εμπλησεις
sept@Job:38:40 @ δεδοικασιν γαρ εν κοιταις αυτων καθηνται δε εν υλαις ενεδρευοντες
sept@Job:38:41 @ τις δε ητοιμασεν κορακι βοραν νεοσσοι γαρ αυτου προς κυριον κεκραγασιν πλανωμενοι τα σιτα ζητουντες